Dilnavoz Yusupova

Talmeh 
Talmeh (arabcha «chaqmoq chaqishi», «nazar tashlash») san‘atida shoir she‘rda 
o‗tmishdagi biror tarixiy shaxs yoxud voqeaga ishora qiladi va uning yordamida fikr yo 
tasvir ta‘sirchanligiga erishadi. Talmeh arabcha «lama’ot» (chaqmoq chaqnashi) so‗zidan 
olingani bejiz bo‗lmay, qorong‗u kechada yashin chaqnaganda atrof yorishib, ilgari 

---

64 
ko‗rinmay turgan narsalar ko‗rinib ketganiday, biror mashhur shaxs yoxud voqeaga ishora 
aytilmoqchi bo‗lgan fikr yoki tasvirlanayotgan manzaraning aniqroq va jonliroq 
chiqishiga yordam beradi.

Sulaymon saltanatlik podshosen, 
Masih anfoslik, Yusufliqosen.
(Xorazmiy) 
Mazmuni: 
Sulaymon saltanatiga ega podshohsan, Iso Masih (tiriltiruvchi) nafaslisan, Yusuf 
yuzlisan.
Talmeh: Sulaymon, Masih, Yusuf.

Solib borma meni, ey Yusufi husn, 

 
Bukun Ya’qubtek baytul hazanda.
(Atoyi) 
Mazmuni: 
Ey Yusuf husnli, meni Ya‘qub kabi g‗am uyiga solma.
Talmeh: Yusuf, Ya’qub.

Vahdat mayini piri mug‘on ilkidin ichtim,

Mansur kibi boshimi dorga tuta qoldim.
(Mashrab) 
Mazmuni: 
Vahdat (Haq bilan birlashish) mayini piri mug‗on (piri komil) qo‗lidan ichdim, 
Mansur Halloj kabi boshimni dorga tutdim.
Talmeh: Mansur.  

Ya’qub bikin ko‘p yig‘idin qolmadi sensiz, 

Nuri basarim, xoh inon, xoh inonma.
(Lutfiy) 

---

65 
Mazmuni: 
Sensiz Ya‘qub kabi ko‗p yig‗laganimdan ko‗zimda nurim qolmadi, xoh ishon, xoh 
ishonma.
Talmeh: Ya’qub.  

Yusuf ishqida bu ishlarni Zulayxo qilmadi,
O‘tti Vomiq dahrdin yodini Uzro qilmadi,
Motami Farhodni Shirin taqozo qilmadi,
Layli hijronida Majnun men kabi yoqilmadi.
(Nodirabegim. Muashshar) 
Mazmuni: 
Hatto Zulayxo ham Yusuf ishqida bu ishlarni qilmadi, Vomiq dunyodan o‗tdi, ammo 
Uzro uning yodini saqlamadi, Farhodning motamiga Shirin duchor bo‗lmagan, Laylining 
hijronida Majnun ham men kabi o‗tda yonmadi.
Talmeh: Yusuf, Zulayxo, Vomiq, Uzro, Farhod, Shirin, Layli, Majnun.  

Jomi Jam birla Xizr suyi nasibimdur mudom,
Soqiyo, to tarki joh aylab gado bo‘ldum sanga.
(Navoiy) 
Mazmuni: 
Jamshid jomi va Xizr suyi (obihayot) hamisha nasibamdir, ey soqiy, mol-dunyodan 
voz kechib senga gado bo‗ldim.
Talmeh: Jamshid, Xizr 

Boshimg‘a yoqqan g‘am toshin mingdin biricha bo‘lmag‘ay,
Gardun agar ming Besutun yog‘dursa Farhod ustina.
(Ogahiy) 
Mazmuni: 
Taqdir agar Farhod boshidan mingta Besutun tog‗ini yog‗dirsa ham, mening 
boshimga yog‗gan g‗am toshining mingdan biricha bo‗lmaydi.

---

66 
Talmeh: Farhod, Besutun 

Xoki taning barbod o‘lur oxir jahonda necha yil,
Sayr et Sulaymondek agar taxting qurub bod ustina.
(Ogahiy) 
Mazmuni: 
Sulaymon kabi shamol ustiga taxt qurib jahonni sayr etsang ham, oxir-oqibat xoki 
taning barbod bo‗ladi – zavol topadi.
Talmeh: Sulaymon.