Э. Т. Бердиев, Э. Т. Ахмедов табиий доривор ўсимликлар

Кунжут (Кунжут индийский) – Sesamum indicum L. 
Кунжут Кунжутдошлар – Pedaliaceae оиласига мансуб бўлиб, бўйи 
60-100 см га етадиган бир йиллик ўт ўсимлик ҳисобланади. Пояси тик 
ўсади, шохланган, тўрт-саккиз қиррали. Поясининг пастки қисмидаги 
барглари юмалоқроқ ўрта қисмидагилари кенг ништарсимон ёки чўзиқ 
тухумсимон, юқоридагилари ништарсимон, хаммаси текис ёки 
тишсимон қиррали бўлиб, пояси билан шохларида банди ёрдамида 
кетма-кет ёки қарама-қарши ўрнашган. Йирик оч пушти ёки пушти 
рангли гуллари 1-3, баъзан 5 тадан барг қўлтиғига жойлашган. Меваси – 
тўртқиррали, кўпуруғли, пишганда очиладиган кўсак. Кунжут июнь-
июль ойларида гуллайди, меваси август-сентябрда етилади. 
Кунжутнинг ватани Африканинг жануби-ғарбий худудлари ҳисобла-
нади. Марказий Осиё, Кавказорти, Қрим, Россиянинг Краснодар ўлкаси, 
Ўзбекистонда, Украина ва Молдавияда маданий шароитларда ўстири-
лади. 
Кунжутнинг уруғидан олинадиган мойи тиббиётда ишлатилади. 
Меваси етилганда ўсимлик йиғиб олинади, хирмонда қуритилади, янчи-
лади ва уруғини елпиб ёки машиналар ёрдамида тозалаб ажратиб оли-
нади. Заводларда кунжут уруғидан мой олинади. Уруғи таркибида 60% 
гача мой, Е витамини, сезамол, сезамин ва сезамолин ва бошқа биоло-
гик фаол моддалар бор. 
Кунжут мойи фармацевтика амалиётида дори моддаларни эри-
тиш, малхам ва суртмалар тайёрлашда қўлланилади. Кунжут мойи қон-
даги тромбоцитлар миқдорини оширади ва қон ивишини тезлаштиради. 
Шунинг учун у баъзан қон касалликларини (тромбопения, геморрагик 
диатез ва бошқалар) даволашда ишлатилади. 
Кунжут уруғи ва мойини Абу Али ибн Сино нафас олиш оғирла-
шиб қолган холларда беморга истеъмол қилишга берган. У яна уруғ ва 
мойи билан танадаги, кўздаги шишларни, астма касаллигини хамда 
қон қуйилган, урилиб кўкарган жойларни даволаган. 

---

120 
 
49-расм. Кунжут (Кунжут индийский) – Sesamum indicum L. 
 
Кунжут уруғи ва мойи озиқ-овқат саноатида кенг миқёсда ишлати-
лади.