Elektr qurilmalarni ekspluatatsiya qilishda xavfsizlik texnikasi

§. Kuchlanish yo`qligini tekshirish

134. 
     Kuchlanish yo`qligini kuchlanish ko`rsatgichi yordamida tekshirish zarur, uni ishlatishdan oldin ishga yaroqliligini tekshirishga mo`ljallangan maxsus asboblar yordamida yoki yaqin orada joylashgan va oldindan kuchlanish ostida bo`lgan tok o`tkazuvchi qismlarga yaqinlashtirib tekshirib olinishi kerak.
     

1000 V dan yuqori elektr qurilmalarda kuchlanish ko`rsatgichidan dielektrik qo`lqoplarda foydalanish zarur.
35 kV va undan yuqori elektr qurilmalarda kuchlanish yo`qligini izolyatsion shtanga bilan uni tok o`tkazuvchi qismlarga bir necha marta tekkizib, tekshirish mumkin. Kuchlanish yo`kligining alomati uchqun va chirsillash bo`lmasligidir. 220 kV dan yuqori kuchlanishli bir zanjirli HL da kuchlanish yo`qligining etarli alomati bo`lib tojlanishning bo`lmasligi hisoblanadi.

134. 
     Elektr stantsiya va podstantsiyalarning elektr qurilmalarida kuchlanish yo`qligini, 1000 V dan yuqori elektr qurilmalarda IV guruhga va 1000 V gacha kuchlanishli elektr qurilmalarda III guruhga ega bo`lgan, navbatchi yoki tezkor-ta`mirlash xodimlaridan bitta xizmatchi tomonidan tekshirishga ruxsat etiladi.
     

HL da kuchlanish yo`qligini tekshirishni 1000 V dan yuqori kuchlanishli HL da - IV va III guruhlarga ega; 1000 V gacha kuchlanishli HL da - III guruhga ega ikkita xizmatchi amalga oshirishi shart.

134. 
     Sxemani amalda to`g`riligini tekshirish bilan kuchlanish yo`qligini aniqlashga quyidagi hollarda ruxsat etiladi:
     

• 
  maxsus kuchlanish ko`rsatgichlari bo`lmaganda OTQ da, tashqarida o`rnatilgan KTQ va KTP da, shuningdek tumanda, yomg`ir, qor yogayotgan vaqtda HL da;
  
• 
  220 kV dan yuqori kuchlanishli OTQ da va 220 kV dan yuqori kuchlanishli ikki zanjirli HL da.
  

HL va KL ning kiritgichlarida sxemani amalda to`g`riligini tekshirish bilan kuchlanish yo`qligi, bu liniyalarning tezkor boshqaruvi tasarrufida bo`lgan navbatchi tomonidan tasdiqlanadi.
HL da sxemani amalda to`g`riligini tekshirish, liniyalarning yunalishini va tashqi alomatlarini, shuningdek tayanchlardagi belgilarni, ularning dispetcherlik nomiga mos kelganligini tekshirishdan iborat.

134. 
     6-20 kV HL da yog`och yoki temir-beton tayanchlarda, shuningdek teleskopik minorada turib sig`im toki oqishi printsipiga asoslanib ko`rsatgich bilan kuchlanish yo`qligini tekshirganda, ko`rsatgichning talab qilingan sezgirligi ta`minlanishi kerak. Buning uchun uning ishchi qismini yerga ulash kerak.
     
135. 
     Simlari Har xil balandlikda osilgan HL da kuchlanish yo`qligini ko`rsatgich yoki izolyatsiyalovchi shtanga bilan tekshirish va yerga ulagichlarni o`rnatish pastdagi simdan yuqoriga qarab bajarilishi shart. Simlar gorizontal holda osilganda kuchlanish yo`qligini tekshirishni yaqin joylashgan simdan boshlash kerak.
     
136. 
     Neytrali yerga ulangan, 1000 V gacha kuchlanishli elektr qurilmalarda ikki qutbli kuchlanish ko`rsatgichi qo`llanilganda, kuchlanish yo`qligini ham fazalar orasida, ham xar bir faza bilan uskunaning yerga ulangan korpusi yoki yerga ulaydigan (nol simiga ulaydigan) o`tkazgich orasida tekshirish kerak. Oldindan tekshirilgan voltmetrni qo`llashga ruxsat etiladi. “Tekshiruv” lampalarini qo`llash man qilinadi.
     
137. 
     Apparat o`chirilganligi haqida signal beruvchi qurilmalar, blokirovka qurilmalari, doimiy ulangan voltmetrlar va boshqalar kuchlanish yo`qligini tasdiqlovchi faqat qo`shimcha vositalar hisoblanadi va ularning ma`lumotlari asosida kuchlanishning yo`qligi to`g`risida xulosa qilish mumkin emas.
     

4-§. Yerga ulagichlarni o`rnatish.