Erkaklar Nega "yomon"

Maftunkorlik omili №15 
Ayol erkakdan juda ko`p narsalarni talab qilib yuborganda, erkak bor kuchi bilan 
mas`uliyatdan qochadi. Avval unga qo`lidan nima kelishini ko`rsatishi uchun imkon 
bering, keyin uni kimligiga baho berasiz. 
Erkaklar mashaqqatni sevishadi. Ular sport mashinalarini haydashni xush ko`rishadi. 
Ularga parashyutda sakrash, baland tog` cho`qqilarini zabt etish yoqadi. Ular imkonsiz 
narsalarni amalga oshirishni sevishadi. Agar erkak siz bilan uchrashuvlarni imkonsiz 
narsadek qabul qilsa, u siz bilan yanayam baxtliroq bo`ladi. Uchrashuvlar unga endi 
yumushdek tuyulmaydi. Bu nazariya qolgan barcha narsalar: telefon qo`ng`iroqlari, 
birga o`tkaziladigan vaqt va mashg`ulotlar, kun so`ngidagi uchrashuvlar uchun ham 
o`rinli. Agar uning o`z shaxsiy ishlarini bitirib olishi uchun bir dunyo vaqti borligini his 
etishiga imkon bersangiz, u hamisha siz uchun vaqt topadi. Siz uning onasiga emas, 
mahbubasiga aylanasiz. Shunda u sizni elkadagi olahurjun emas, balki xuddi boshidagi 
tojdek qabul qiladi.Shundagina erkak sizning ortingizdan qolmaydi. 
Hech qanday qafaslarsiz. 
Erkak o`zini bandi deb his qilishi bilan emotsional stress qo`rquvini sezadi. Yaxshi qiz 
bilan uchrashib yurganda qiz uning ko`ziga bo`yniga osilib olmoqchi bo`lgan“ola 
hurjun”dek ko`rinadi. Shu topda beixtiyor “munosabat” degan so`zni ishlatib 
yuborishidan xudoning o`zi asrasin! Yo`qsa, qiz qutqaruv xizmatini chaqirishiga to`gri 
keladi. Erkak shu zahotiyoq qiz uning bo`yniga arqon solib, undan farzand tug`ib 
olmoqchi degan qarorga keladi. Ko`chada kichkintoyni ko`rib qolsangiz, unga kulib, 
mehringiz tovlanib ketmasin. Bu bilan hamrohingizning qalbini yaralaysiz. Hattoki u 
tunlari shuni o`ylab bosinqirab chiqadi. 

---

35 
Erkaklardan “Men eshikni ochiq qoldirmoqchiman. O`zimni mas`uliyatlar bilan 
bog`lab bermoqchi emasman”, degan gaplarini eshitib qolamiz. Ayrim hollarda ular 
buni tushuntirishga boshqa so`zlar topishadi.