Erkin oyoq skleti suyaklari

Qayiqsimon suyak (os naviculare) medial tomonda oshiq suyak bilan uchta ponasimon 
suyaklar o‘rtasida joylashgan. Uning proksimal botiq yuzasi oshiq suyak boshchasi 
bilan birlashadi. Distal yuzasi uch qismga bo‘lingan bo‘lib, ponasimon suyaklar bilan 
bi-rikadi. Suyakning ichki chekkasida orqa katta iamet mushagi bi-rikadigan 
qayiqsimon suyak g‘adir-budurligi bor. 
Ponasimon suyaklar (ossa cuneiformia) oyoq kaftining medial chekkasida 
qayiqsimon suyak bilan I–III kaft suyaklari o‘rtasida o‘rnashgan. 
Ularning eng kattasi medial ponasimon suyak I kaft suyagi aso-si bilan, oraliqdagi 
ponasimon suyak II kaft suyagi bilan, lateral ponasimon suyak III kaft suyagi bilan 
bo‘g‘im hosil qiladi. 
Kubsimon suyak (os cuboideum) lateral tomonda tovon suyagi bilan IV–V kaft 
suyaklari o‘rtasida joylashgan bo‘lib, ular bilan birlashadigan bo‘g‘im yuzalari bor. 
Bundan tashqari uning medial tomonida tashqi ponasimon suyak bilan 
birlashadigan bo‘g‘im yuzasi mav jud. Kubsimon suyakning pastki tomonida 
kubsimon suyak g‘adir-budurligi, uning oldida uzun kichik iamet mushagi 
payining egati joylashgan. 
Oyoq kafti suyaklari (ossa metatarsi) 5 ta kalta naysimon suyakdan iborat. I 

---

kaft suyagi qisqa va yo‘g‘on, II kaft suyagi esa eng uzun. Oyoq kafti suyaklarida 
tanasi, boshchasi va asosi tafo-vut qilinadi. Ularning tanasi prizma shaklida, 
qavariqligi kaft us-tiga qaragan. I kaft suyagining asosi medial ponasimon suyakda-gi 
bilan, II va III kaft suyaklari asosi oraliq va lateral ponasi-mon suyaklari bilan, IV 
va V kaft suyaklari asosi esa kubsimon suyak bilan bo‘g‘im hosil qiladi. V kaft 
suyagining tashqi tomo-nida qisqa kichik iamet mushagi birikadigan V oyoq kafti 
suyagi-ning do‘ngligi joylashgan. 
Barmoq suyaklari (ossa digitorum) qo‘lga nisbatan qisqa va yo‘g‘on. II–V 
barmoqlar uchta (proksimal, o‘rta va distal), I bar-moq esa ikki: proksimal va distal 
falangalardan iborat. Barmoq falangalarining tanasi, boshchasi va asosi tafovut 
qilinadi. Proksi-mal va o‘rta falangalarning tanalari kaft orqasi tomonga biroz qa-
vargan. Proksimal falangalarning asosida kaft suyagi boshchasi bi-lan bo‘g‘im hosil 
qiladigan yassilashgan chuqurcha, o‘rta va distal falangalarning asosida undan 
yuqorigi falanga bilan bo‘g‘im hosil qiladigan, qirra bilan bo‘lingan ikkita yassi yuza 
bor. Distal falan-galarda do‘nglik mavjud.