Farmatsevtika menejmenti

Tayanch iboralar


Boshqaruv qarori, muammo, intuitiv qaror, vakolatli, empirik qoida, postulat, relevant, inversiya uslubi, empatiya uslubi, induksiya, deduksiya, indifferent yondoshuv.


Nazorat savollari


1. Boshqaruv jarayonining mazmuni nima?
2. Boshqaruv qarorlarining tasnifi va ularga qo‘yiladigan talablarni tushuntiring.
3. Qarorlarni qabul qilish jarayonini tushuntiring.
4. Jarayonning umumiy tavsifi qanday?
5. Qarorlarni ishlab chiqish tizimining asosiy elementlarini tushuntiring.
6. Qarorlarni qabul qilish jarayonining model­lashtirish nima?
18 bob. FARMATSEVTIKA TASHKILOTLARINING
AXBOROT TA’MINOTI
18.1. Farmatsevtika kommunikatsiyalarining asosiy tavsiflari.
18.2. Kommunikatsiyalarning turlari.
18.2.1. Ish bo‘yicha suhbat.
18.2.2. Ish kengashi.
18.2.3. Telefon muloqotlari.
18.3. Kommunikatsion tarmoqlar va uslublar.


18.1. Boshqaruv kommunikatsiyalarining
asosiy tavsiflari

Har qanday farmatsevtika tashkilotining a’zolari hamkorlikdagi fao­liyat jarayonida subordinatsiya va koordinatsiya munosabatlarida bo‘ladilar. Subordinatsiya munosabatlari — bu egallagan lavozimi bo‘yicha kichkinani kattaga xizmat bo‘ysunuvi, xizmat intizomi qoidalarining bajarilishidir. Ushbu munosabatlar doirasida rahbar qo‘l ostidagi xodimning lavozim vazifalariga muvofiq unga farmoyishlar berish va ularning bajarilishini talab qilish huquqiga ega bo‘ladi. Qo‘l ostidagi xodim ularni sitqidildan bajarishga majbur. Rahbar muko­fotlash va baholash huquqiga; qo‘l ostidagi xodim esa — tanqid qilish va belgilangan tartibda shikoyat qilish huquqiga ega bo‘ladi.

Koordinatsiya munosabatlari — bu bitta pog‘onadagi yoki har xil pog‘onadagi tuzulmaviy bo‘linmalar o‘rtasida, ularning birga­likdagi harakatlarini kelishtirish jarayonida yuzaga keladigan muno­sabatlar. Tashkilotlardagi o‘zaro munosabatlarning xususi­yatlari va shakllarini — kommunikatsiya, ya’ni muomala belgilab beradi.