Геофизикавий тадқиқот усуллари фанининг мақсади ва вазифалари

Геофизикавий тадқиқот усуллари фанининг мақсади ва вазифалари.
Геофизик тадқиқотларнинг мақсади - геологик кесимни тузилиши тўғрисида маълумотларни олиш ва фойдали қазилмаларга истиқболлилиги тўғрисида хулоса чиқариш. Физик майдон деганда, Ер ёки унинг маълум бир қисмидаги физик параметрларнинг кўплаб қийматларини тушунамиз. Геологик нуқтаи назардан олиб қараганда, ҳар хил тоғ жинслари, яхлит тузилмалар, бир жинсли табақалар, маъданли жисмлар турлича физик хусусиятларга эга. Масалан, электр ўтказувчанлик, магнит қабул қилувчанлик, сейсмик тўлқинларнинг турлича тарқалиши ва ҳоказо.
Физик майдонлар ва уларни таърифлайдиган параметрлар.
Физик майдонлар ҳам табиий, ҳам сунъий бўлиши мумкин.
Табиий физик майдонлар табиатнинг яратиши билан боғлиқ – гравитацион (тортишиш майдони, оғирлик кучи майдони), магнит, электр, электромагнит, зилзила натижасида ҳосил бўлган сейсмик тўлқинларнинг тарқалиш майдони, радиоактив нурланиш, термик майдон бўлади.
Сунъий физик майдонлар инсоннинг табиатга таъсири билан боғлик – электр, электромагнит, зарба ёки портлатиш натижасида ҳосил бўлган сейсмик тўлқинларни тарқалиш майдони, термик (иситиш ёки совутиш майдони), сунъий радиоактив нурланиш майдони.
Фойдали қазилмаларни қидиришда геофизиканинг усуллари.
Foydali qazilmalarni izlashda geofizika usullariga seysmik, tortishish, magnit va elektr tadqiqotlar kiradi. Seysmik tadqiqotlarda er osti togʻ jinslari konstruksiyalarini oʻlchash uchun tovush toʻlqinlaridan foydalaniladi. Gravitatsion tadqiqotlar er osti jinslari va minerallarning tortishish kuchini o'lchaydi. Magnit tadqiqotlar tog' jinslari va minerallarning magnit xususiyatlarini o'lchaydi. Elektr tadqiqotlari tog' jinslari va minerallarning elektr xususiyatlarini o'lchaydi. Bu usullar ruda jismlarini va boshqa yer osti foydali qazilma konlarini aniqlashga yordam beradi.
Электроразведка усулининг физик-геологик асослари.

• 
  Электроразведка (электромагнит қидирув усули) – бу геофизиканинг асосий усуларидан бири ҳисобланади. У Ер бағрида ўзгармас ва ўзгарувчан электр ток манбалар таъсирида ҳосил бўлган табиий ва сунъий электромагнит майдонларини ўрганишга асосланган. Бу усул Ер қобиғини тузилишини ўрганишда, фойдали қазилмаларни излаш ва разведка қилишда, муҳандислик геология ва гидрогеологиянинг ҳар хил масалаларини ечишда ва геоэкология масалаларини ўрганишда қўлланилади.