Glossariy “Jamoatchilik bilan aloqalar texnologiyalari

G‘oyaviy turg‘unlik – muayyan mafkura tizimidagi takomillashish va yangilanish jarayonining tо‘xtab, mafkuraviy aqidalarning real hayot, amaliyotdan uzilib qolishi. Ma’lumki, har qanday mafkura muayyan ijtimoiy qatlam, millat, davlat, jamiyatning ehtiyojlari, manfaatlari, maqsad-muddaolari, orzu-intilishlari hamda ularni amalga oshirish tamoyillarini о‘zida mujassam etadigan tizimdir. Jamiyat taraqqiy etar ekan, bu tizim ham takomillashib, yangilanib borishi lozim.
G‘oyalar bozori – OAV fikr va konsepsiyalar almashuvi sohasi sifatidagi ramziy nomlanishi, axboriy faoliyatni marketizatsiyalash (bozorlashtirish) tarafkashlari va qarshi chiquvchilarining turli talqinlariga sabab bо‘lgan atama.
G‘oyani ishlab chiqish – iste’molchi uchun muhim bо‘lgan tovar g‘oyasini kengaytirilgan bayoni. Masalan, futbol ishqibozlari asosiy tomoshabinlarini tashkil qiluvchi “Gol” Rossiya teledasturida futbol bо‘yicha jahon chempionatiga turistik safarni tashkil etish bо‘yicha xizmatlar reklamasi.
G‘oyasizlik – biror shaxs yoki ijtimoiy guruhning ongi va qalbida muayyan maqsad sari yetaklovchi fikrning yо‘qligi. G‘. odatda hali о‘zligini anglab yetmagan, о‘z manfaat va imkoniyatlarini ifoda eta olmaydigan, maqsad-muddaolari va hayotiy qadriyatlarini anglab yetmagan kishilar va toifalarda uchraydi. Hayotda yuksak g‘oyasi, ezgu orzu-intilishlari bо‘lmagan odam faqat tabiiy ehtiyojlar doirasi b-n chegaralanib qoladi. G‘.lik ma’naviyati tuban, imon-e’tiqodi sust, mafkurasi buzuq kimsalarni yuzaga keltiradi. О‘z о‘tmishi va nasl-nasabini bilmaslik, tarixiy xotirani unutish ham G‘.ning bir kо‘rinishidir. Bunday kimsalar о‘z ota-onasiga qо‘l kо‘tarishi ham, о‘z Vatanini sotishi ham mumkin.
Deviant texnologiyalar – о‘z faoliyat usullariga qо‘yilgan har qanday talab va andozalardan chetga chiqadigan texnologiyalar, qonunga va ahloqiy meyorlarga zid keladigan “qora” va “kulrang” texnologiyalar.
Diniy va daxriylik g‘oyalari esa kishilarning ijtimoiy xodisa sifatida yuzaga kelgan davrlardan boshlab, shu kungacha saqlanib qolgan qarashlar majmuini, dinga xurfikrlilik ruhiyatida yondoshishni tashkil etadi. Shuni unutmaslik kerakki, inson tafakkuri orqali men bilmagan narsa va xodisa qolmadi desagina uning tafakkurida dinga о‘rin qolmaydi.