Гулистон давлат университети аблакулова Н. А., Абдиқулов З. У

1.Флаван унумлари. Конденсацияланувчи танидларнинг асосий қисмини флаван унумлари: флаван-3-оллар (катехинлар) ва қисман флаван-3,4-диоллар (лейкоантоцианлар) ташкил қилади. Флаволанлар флаванларга яқин бирикмалар бўлиб, кейинги вақтда уларнинг бир қанчаси танидлар таркибидан соф ҳолда ажратиб олинди ва яхши ўрганилди.
2.Юқори даражали конденсациялашган (жипсланган) танидлар ва флобафенлар. Бу танидлар яхши ўрганилмаган.
Ҳайвонларнинг хом терисини ошлаш хусусиятига эга ва кўп атомли феноллар унумидан ташкил топган ҳамда ўсимликлардан олинадиган юқори молекуляр заҳарсиз мураккаб органик бирикмалар ошловчи моддалар – танинлар деб аталади.
Ошлаш жараёнида ошловчи моддалар терининг оқсил моддалари билан бирикиб, эримайдиган бирикма ҳосил қилади. Натижада ҳайвонлар териси ўзидан сув ўтказмайдиган, чиримайдиган, эластик ва шу каби хусусиятларга эга бўлади. Танинлар табиатда кенг тарқалган бўлиб, айниқса икки паллали ўсимликлар синфига кирувчи оилаларда, масалан, раъногулдошлар – Rosaceae, дуккакдошлар – Fabaceae, қорақатдошлар – Saxifragaceae, торондошлар – Polygonaceae, толдошлар – Salicaceae, қоракайиндошлар – Fagaсеае, пистадошлар – Anacardiaceae ва бошқа оилаларда кўп учрайди. Танидлар, айниқса ғаллаларда, ўсимликларнинг патологик ўсимталарида кўп (баъзан 70% дан ошади) бўлади.
Иш учун керакли асбоб-ускуна ва реактивлар: сув ҳаммоми, 200 мл колбалар, пробиркалар, пипеткалар, ўлчов идишлари, FeCl₃ 10% эритмаси, атропин сульфатнинг 10% эритмаси, зиғир уруғи дамламаси, желатиннинг 1% эритмаси, В₁₂– цианокобаламин эритмаси, кўрғошин ацетатнинг 10% ли эритмаси, сирка кислотанинг 10% ли эритмаси, ванилиннинг концентрланган хлорид кислотадаги 1% эритмаси, чой барги, Эман пўстлоғи, Сумах барги.
Ишни бажариш тартиби: 1) Сифат реакциялари. Одатда ўсимлик танинларига сифат реакциялар ўтказиш учун 10% сувли ажратма тайёрланади. Бунинг учун 10 г танин сақловчи ўсимлик маҳсулоти 200 мл колбага солинади ва устига 100 мл қайноқ сув қуйилиб, сув ҳаммомида 5-10 дақиқа қайнатилади. Сўнгра ажратмани олиб, совитилади ва фильтрланади. Фильтрат 7 та пробиркага 3 мл дан қуйилади. Улар устига: 1-пробиркага – темир 3-хлориднинг 10% эритмаси дан 0,5 мл; 2-пробиркага – алкалоиднинг 10% эритмасидан (атропин сульфат) 0,5 мл; 3-пробиркага–ўсимлик шиллиқ моддаси (зиғир уруғи дамламаси) 0,5 мл; 4-пробиркага – желатиннинг 1% ли эритмасидан 0,5 мл; 5-пробиркага В₁₂–цианокобаламин эритмасидан 0,5 мл; 6-пробиркага кўрғошин ацетатнинг 10% ли эритмасидан 3 мл ва сирка кислотанинг 10% ли эритмасидан 6 мл; 7 -пробиркага–ванилиннинг концентрланган хлорид кислотадаги 1 % ли эритмасидан 0,3 мл қўшилади. Темир тузлари эритмаси қўшилган пробиркада танинлар бўлса, қорамтир-кўк (пирогаллол гуруҳи) ёки қора-яшил (пирокатехин гуруҳи) ранг ва шу рангдаги чўкма, шиллиқ моддалар, желатин ҳамда алкалоидлар эритмаси, витамин эртитмаси, қўрғошин ацетат эритмаси (пирогаллол гуруҳ) қўшилган пробиркада эса рангсиз чўкма ҳосил бўлади. Конденсацияланувчи ошловчи моддаларнинг асосий қисми бўлган катехинларга ванилин билан реакция киришади. Шунинг учун қайси ажратмада агар катехинлар бўлса, аралашма қизил рангга бўялади.
Тажриба танин сақловчи турли ўсимлик маҳсулотлари билан амалга оширилади. Натижалар қуйидаги жадвалга тўлдирилади.