“Himoyaga ruxsat etilsin ” Fakultet dekani

18 
 
dostonlari, Boburning “Boburnoma”si, Xoja hikoyatlari kabi) imkon qadar keng 
o‘rganish ko‘zda tutiladi. Ayniqsa, akademik litseylarning 3- bosqichida XX asr 
adabiyotining zabardast allomalari qalamiga mansub bir qator sara romanlarni, 
epopeyalarni o‘qib-o‘zlashtirish, ularning badiiy-estetik mohiyatini tayin etgan 
omillarni tahlilga tortish, ma’naviy-ma’rifiy qimmatini o‘rganish tavsiya qilingan. 
Cho‘lponning “Kecha va kunduz”, Qodiriyning “Mehrobdan chayon”, Oybekning 
“Navoiy”, A.Qahhorning “Sarob”, Odil Yoqubovning “Diyonat”, “Ulug‘bek 
xazinasi” romanlari, S.Ahmadning “Ufq” trilogiyasi shular jumlasidan bo‘lib, tahlil 
uchun tavsiya qilingan mazmun-mohiyati teran, badiiy qiyofasi ko‘rkam bu adabiy 
asarlarni tahliliy asosda o‘qib-o‘rganish talabalarning intellektual salohiyatini 
oshirishga, badiiy tafakkurini o‘stirishga munosib hissa qo‘shadi. SHuningdek, bu 
bosqichda o‘zbek nasrini turli janrdagi asarlari bilan ham son, ham sifat jihatdan 
boyitgan A.Qahhor, A.Muxtor, O.Yoqubov va P.Qodirovlarning hayoti va ijodiy 
faoliyatini o‘rganish jarayonida ularning nafaqat romanlari, balki boshqa bir qator 
hikoya va qissalarini ham qisman bo‘lsa-da o‘rganishga ahamiyat qaratilganligini 
alohida ta’kidlash joiz. Badiiy asarlar tanlovidagi bunday yondashuv o‘quvchilarga 
har bir ijodkorning individual ifoda uslubi, badiiy-estetik tafakkuri, yozuvchilik 
mahorati xususida ham mukammal ma’lumotlar berishni, o‘quvchilarning 
kitobxonlik madaniyatini takomillashtirishni ko‘zda tutadi. Zero, adabiyot - 
ma’naviyat ko‘zgusi, inson qalbini, ruhiy olamini kashf qiluvchi va o‘z navbatida 
ana shu qalb go‘zalligini, ruh pokligini tarbiyalovchi so‘z san’ati ekan, bu borada 
uning imkoniyat ko‘lami cheksiz bo‘lishi tabiiy. 
1.2. Umumta'lim maktablarida O‘tkir Hoshimov hayoti va ijodining 
o‘rganish 
O‘zbek adabiyotini darslarida o‘quvchining kitobxonlik darajasi, o‘qilgan 
asarni tushunishning chuqurligi aniqlanadi. O‘zbekcha nutqning rivojlanish darajasi 
belgilanadi. O‘zbek adabiyoti darslarida adabiy asarlarni o‘rganishdan maqsad 
o‘zbekning ruhiyatini anglatish orqali o‘quvchining ma’naviy dunyosini boyitishdan 

---