«Хўжалик» бу маълум мақсадларга йўналтирилган, ўзининг базиси ва устқурмасига эга бўлган субъект. «Ҳисоб»

Бухгалтерия бошқарув ҳисоби - бу бухгалтерия ҳисобининг хўжалик юритувчи 
субъектлар фаолияти, фаолият натижалари, маблағлари (мулки, активлари), 
маблағларни ташкил топиш манбалари тўғрисидаги турли ўлчов бирликларидаги 
батафсил ахборотларни ички бошқарув сегментлари, яъни объектлар, субъектлар ва 
жавобгарлик марказлари кесимида йиғиш, қайд этиш, гуруҳлаш, жамлаш ҳамда уларни 
ички бошқарув органлари ҳукмига тезкор бошқарув қарорларини қабул қилиш учун 
мақбул шакл ва мазмунда тақдим этишга мўлжалланган таркибий қисми.
Ишлаб чиқариш харажатлари ҳисоби ва таннарх калькуляцияси – бу 
бухгалтерия бошқарув ҳисобининг хўжаликни ишлаб чиқариш жараёнлари ва уларнинг 
натижаларини у ёки бу усулларда акс эттиришга мўлжалланган таркибий қисми. 
Ташқи ҳисоб деганда хўжалик фаолияти тўғрисидаги ахборотларни ташқи 
ахборот фойдаланувчиларга тақдим этувчи ҳисоб тизими тушунилади.
Бухгалтерия молиявий ҳисоби - бу бухгалтерия ҳисобининг хўжалик юритувчи 
субъектлар молиявий ва мулкий ҳолати тўғрисидаги молиявий характердаги 
ахборотларни йиғиш, қайд этиш, гуруҳлаш, жамлаш ҳамда уларни асосан ташқи 
фойдаланувчилар ҳукмига молиявий ҳисобот кўринишида тақдим этишга мўлжалланган 
таркибий қисми. 
Регламентлаштирилмайдиган ҳисоб деганда шакл ва мазмуни, юритиш тартиби 
ва техникаси давлат томонидан қатъий белгилаб қўйилмаган ҳисоб тушунилади.
Регламентлаштириладиган ҳисоб деганда шакли ва мазмуни, юритиш техникаси 
ва тартиби қонунлар ва қонуности меъёрий-ҳуқуқий ҳужжатлар билан тартибга 
солинган ҳисоб тушунилади.

---

Тўлиқ хўжалик ҳисоб-китобидаги корхона ҳисоби деганда ўзини ўзи тўлиқ 
маблағ билан таъминлайдиган, мустақил фаолият юритадиган хўжаликларда 
юритиладиган ҳисоб тушунилади.
Бюджет ташкилотлари ҳисоби деганда давлат томонидан молиялаштириладиган 
муассасаларда юритиладиган ҳисоб тушунилади.