I bob. Bo‘lajak boshlang‘ich sinf o‘qituvchilarining iqtisodiy madaniyatini rivojlantirishning nazariy asoslari 8

Tadqiqotning obyekti sifatida oliy ta’lim muassasalarining boshlang‘ich ta’lim yo‘nalishi talabalarining iqtisodiy madaniyatini rivojlantirish jarayoni belgilanib, tajriba-sinov ishlariga Farg‘ona davlat universitetitining 260 nafar respondent-talaba­lari jalb qilindi.
Tadqiqotning predmeti: bo‘lajak boshlang‘ich sinf o‘qituvchilarining iqtisodiy madaniyatini rivojlantirish mazmuni, shakl, metod va vositalari.
Tadqiqotning maqsadi : bo‘lajak boshlang‘ich sinf o‘qituvchilarining iqtisodiy madaniyatini rivojlantirishning pedagogik shart-sharoitlarini takomillash­tirishdan iborat.
Tadqiqotning vazifalari: bo‘lajak boshlang‘ich sinf o‘qituvchilarining iqtisodiy madaniyatini rivojlantirishning xalqaro baholash dasturlari bilan aloqadorligini asoslash;
bo‘lajak boshlang‘ich sinf o‘qituvchilarining iqtisodiy madaniyatini rivojlantirishning pedagogik-psixologik xususiyatlarini aniqlashtirish;
bo‘lajak boshlang‘ich sinf o‘qituvchilarining iqtisodiy madaniyatini rivojlantirishning didaktik ta’minotini ishlab chiqish.
Tadqiqotning ilmiy yangiligi quyidagilardan iborat:
bo‘lajak boshlang‘ich sinf o‘qituvchilarida iqtisodiy madaniyatni rivojlantirishning xalqaro baholash dasturlari bilan aloqadorligi kichik maktab yoshidagi o‘quvchilarning moliyaviy savodxonligini shakllantirish ko‘nikmalarini bilan maqbul integratsiyasini ta’minlash asosida aniqlashtirilgan;
kompleks yondashuv asosida bo‘lajak boshlang‘ich sinf o‘qituvchilarining iqtisodiy madaniyatini rivojlantirishning pedagogik-psixologik xususiyatlari kasbiy faoliyatga tayyorlashning majmuaviy omillari (ijtimoiy-iqtisodiy, huquqiy, ekologik, texnologik) va komponentlarini (kognitiv, operatsion, aksiologik) hisobga olish asosida pedagogik risklarning o‘qitish sifatiga salbiy ta’sirini bartaraf etish mexanizmi barqarorligiga erishish asosida aniqlangan;
bo‘lajak boshlang‘ich sinf o‘qituvchilarining iqtisodiy madaniyatini rivojlantirishning didaktik ta’minoti (masofaviy ta’lim kontenti, kognitiv topshiriqlar, o‘quv loyihalari, elektiv kurslar) talabalarning individual ta’lim traektoriyasini belgilashga xizmat qiluvchi faoliyat jarayonlarini tizimlashtirish asosida takomillashtirilgan.