Ибрайым Юсупов

NÁBİYRA TÓREShOVA
(1953-jılı tuwılǵan)


Ómiri hám dóretiwshiligi. Nábiyra Tóreshova 1953-jılı Qanlıkól rayonında tuwılǵan. Nókis mámleketlik pedagogikalıq institutınıń filologiya fakultetin pitkergen.
Házirgi kúnde «Ámiwdár`ya» jurnalında bas redaktordıń orınbasarı lawazımında islep atır.
Nábiyra Tóreshovanıń 1978-jılı «Jaslıǵım meniń», 1981-jılı «Ádildiń sózleri», 1986-jılı «Pesni tri golosa», 1988-jılı «Sáwir samalı», 1991-jılı «Periyzat» atlı qosıqlar toplamı hám túrkmen shayırası Bahargúl Kerimovanıń «Ishqı dápteri» qosıǵına islegen awdarması, 1994-jılı «Ózińnen» qosıqlar toplamı, 1996-jılı «Ádildiń sózleri»niń 2-kitabı «Qaraqalpaqstan» baspası arqalı oqıwshılar názerine usınıldı. Ol kóp ǵana iri kólemli shıǵarmaların dóretiwge hám járiyalawǵa eristi. Olardan «Qorǵan», «Shayqas», «Tutqın», «Qızım-aw», «Men ushın», «Jetim qız» poemaların, «Gúlzada» p`esasın, «Periyzat», «Analıq haqqında qıssa» qıssaların, «Yalǵanshı» dep atalatuǵın dástanın hám kóplegen balladaların atap ótsek boladı.
Nábiyra Tóreshovaǵa 1995-jılı «Qaraqalpaqstanǵa miyneti sińgen mádeniyat xızmetkeri», 2003-jılı «Qaraqalpaqstan xalıq shayırı» húrmetli ataqları berildi.
Nábiyra Tóreshova 1983-jıldan Ózbekstan hám Qaraqalpaqstan Jazıwshılar awqamınıń aǵzası.

1 Кәрит – географиялық карта мәнисинде