Iqtisodiy xavfsizlik” kafedrasi I. A. Bakiyeva., B. U. Shermuhamedov

XXV-MAVZU. PUL KREDIT SIYOSATI
1-Masala
Pulga bo‘lgan umumiy talab nominal ifodada 1000 so‘mga teng. Aktivlar tomonidan pulga bo‘lgan talab funktsiyasi: L = 204 – 20i. Nominal foiz stavkasi i = 20%.
a) bitimlar uchun pulga bo‘lgan talabni aniqlang;
b) agar nominal milliy daromad 2400 ga teng bo‘lsa, pul aylanish tezligi nechaga teng bo‘ladi.
2-Masala
Aktivlar tomonidan pulga bo‘lgan talab funktsiyasi Md1 = 102 – 20i, bitimlar uchun pulga bo‘lgan talab funktsiyasi Md2 = 52 – 20i hamda nominal foiz stavkasi i = 10% bo‘lganda Pulga bo‘lgan umumiy talabni aniqlang.
3-Masala
Agar milliy daromad 100 trln.so‘mni tashkil etsa va unga pulga bo‘lgan talabning ta’sirchanlik koeffitsiyenti 5 ga, pulga bo‘lgan talabning foiz stavkasiga ta’sirchanlik koeffitsiyenti 7 ga, narx darajasi 2 ga teng bo‘lsa hamda pulga bo‘lgan talab 120 trln. so‘m bo‘lganda, foiz stavkasi qanday bo‘lishi lozim?

4-Masala
Agar milliy daromadga pulga bo‘lgan talabning ta’sirchanlik koeffitsiyenti 10 ga, pulga bo‘lgan talabning foiz stavkasiga ta’sirchanlik koeffitsiyenti 5 ga, narx darajasi 3 ga teng bo‘lsa hamda pulga bo‘lgan talab 150 trln. so‘m, foiz stavkasi esa 10 foiz bo‘lganda milliy daromad qanday bo‘lishini aniqlang.
XXIV-MAVZU. BUDJET SOLIQ SIYOSATI
1-Masala
Sartaroshlik xizmatlari, manikyur, pedikyur, kosmetolog va boshqa shunga o‘xshash xizmatlar uchun 2014 yil bir oyga to‘lanadigan soliq miqdori Toshkent shahrida eng kam ish haqining 4 baravari, Nukus shahri va viloyat bo‘ysunuvidagi shaharlarda 2 baravari, boshqa aholi punktlarida 1 baravari miqdorida o‘rnatilgan edi. 2015 yilda bu soliq miqdorlari eng kam ish haqining 0,5 baravariga qisqartirildi. Shu ma’lumotlarga asoslangan holda soliq miqdorlarini barcha hududlar uchun 2014 va 2015 yillar uchun hisoblang va solishtiring.
2-Masala
Quyidagi jadvalda keltirilgan ma’lumotlar asosida davlat byudjetiga soliqlar hisobiga har bir yil uchun kelib tushadigan daromadlar miqdorini aniqlang. Faraz qilaylik, Toshkent viloyatida joylashgan bitta turar joyning inventarizatsiya qiymati 50 mln. so‘m va viloyatda 10 mingta shunday turar joy mavjud. Toshkent shahrida umumiy maydoni 200 kv.m dan oshiq va 500 kv.m gacha bo‘lgan turar joy va kvartiralar 100 mingta, 500 kv.m dan oshiq bo‘lgan turar joy va kvartiralar esa 50 mingta. Soliq tushumlarini tahlilini amalga oshiring.

Soliq solinadigan ob’yektlarning nomi	Soliq stavkasi, mol-mulkning inventarizatsiya qiymatiga nisbatan %da
	2018 yil uchun	2019yil uchun	2020 yil uchun	2021 yil uchun
Turar joylar, kvartiralar dala hovli qurilmalari, garajlar va boshqa imoratlar, xonalar va inshootlar*	0,9	1,04	1,2	1,3
Shaharlarda joylashgan umumiy maydoni quyidagicha bo‘lgan turar joylar va kvartiralar:
200 kv.m dan oshiq va 500 kv.m gacha bo‘lgan	1,1	1,25	1,4	1,6
500 kv.m dan oshiq bo‘lgan	1,35	1,55	1,8	2,2

*shaharlarda joylashgan, umumiy maydoni 200 kv.m dan oshiq bo‘lganlari bundan mustasno