Islom karimov nomidagi toshkent davlat texnika universiteti foydali qazilma konlarini qidirish
Download 4.44 Mb. Pdf ko'rish
|
Foydali qazilma konlarini qidirish va razvedka qilish asoslari (2)
- Bu sahifa navigatsiya:
- Nazariy qism
- Izchillik bilan yaqinlashish tamoyili
- Bir tekislilik (bir xillilik) tamoyillari
|
6 – AMALIY MASHG‘ULOT
Geologiya qidiruv ishlari tamoyillari, tizimlari. Qidirishning texnik vositalari plani va stratigrafik ustunlarini tuzish Ishning maqsadi: Geologiya qidiruv ishlari tamoyillari va tizimlari bilan tanishish, ularni amalda tatbiq etishni asoslash. Qidirishning texnik vositalari plani va stratigrafik ustunlarini tuzish. Nazariy qism: Barcha sohalar kabi geologoya yo„nalishi ham ma‟lum tamoyillarga tayanib qidirish ishlarni tashkillashtiradi. Quyidagilar qidirishning asosiy tamoyillari hisoblanadi: Tadqiqotlarning to‘liqligi tamoyili konning ayrim uchastkalarinigina emas, balki uni barcha joylarini nisbatan to„liq va har tomonlama o„rganish zaruriyatidan iborat hamda quyidagi asosiy talablarni o„z ichiga oladi: 1) kon hududi va kondagi barcha foydali qazilma tanalarini chegaralashning majburiyligi; 2) foydali qazilma tanasini yoki ma‟dan zonasini qidirish inshootlari bilan to„liq kesib o„tish; 3) asosiy va birgalikdagi foydali komponentlar sifatini to„liq va har tomonlama o„rganish; 4) tog„ va burg„ilash ishlarining hamma ma‟lumotlaridan konning gidrogeologik, muhandis-geologik va tog„-texnik xususiyatlarini aniqlash uchun foydalanish. Izchillik bilan yaqinlashish tamoyili ma‟lum bir geologik-qidiruv bosqichlarida kon to„g„risida bilimlarni muntazam oshirishdan iborat. Konni o„rganishning har bir bosqichida ma‟lum uslubiyatlar va texnik vositalar, boshida oddiy, keyin ancha aniq va murakkab vositalar qo„llaniladi. Bu tamoyilning qo„llanilishi qidirishning har bir bosqichida ayrim kon xususiyatlarini hisobga olgan holda amalga oshirilishi kerak. Bir tekislilik (bir xillilik) tamoyillari qidirilayotgan konning ma‟lum darajada bir tekisda o„rganilishi zaruriyatidan iborat va o„z ichiga quyidagi talablarni oladi: 1) qidirishning biror bosqichidagi konning yoki uning ayrim uchastkalarining qidirish tog„ inshootlari tomonidan bir tekisda yoritilishi. 2) qidirish tog„ inshooti yoki kon uchastkasi chegarasida namunalash punktlarini bir tekisda taqsimlash; 3) konning turli uchastkalarida o„lchovdosh natijalarni beruvchi texnik qidirish vositalarini qo„llash; 4) moddani tadqiq qilishning teng qiymatlilik va teng aniqlilik uslubiyatlarini qo„llash (anаlitik tahlilni yagona laboratoriya va usullar bilan amalga oshirish). |
