Japan digital university

3-bo‘lim. DK tomonidan ko‘rsatiladigan xizmatlar 
1-bob. Asosiy shartlar 
1.1. Talabaning arizasiga asosan DK Talabani Yaponiyadagi korxonalarda (tashkilotlarda) ishga joylashtirish bilan bog’liq tashkiliy ishlarni 
(keyingi o‘rinlarda “DK xizmatlari”) amalga oshiradi. 
1.2. Talaba yapon korxona va tashkilotlarida ishga joylashtirishni tashkillashtirishni (ishga joylashtirish bo‘yicha xizmatlar ko‘rsatilishini) so‘rab 
DK ga ariza berish huquqiga ega. Bunday ariza JDUdagi so‘nggi semestr yakunlangunga qadar topshirilishi lozim. JDUdagi o‘qish yakunlangunga 
qadar Talaba yapon korxona va tashkilotlariga ishga joylashmagan hollarda, o‘zaro rozilik asosida, DK xizmatlari JDUdagi o‘qish yakunlangandan 
so‘ng 2 yil davomida ko‘rsatiladi. 

---

1.3. DK Yaponiyada ishga joylashish mumkin bo‘lgan tashkilotlar haqida ma’lumot berish, suhbatlar tashkillashtirishga ko‘maklashish va 
Yaponiyada ishga joylashish bilan bog’liq boshqa harakatlarni bajarishi mumkin. Bunday harakatlar DKning imkoniyatlari doirasida amalga 
oshiriladi. 
1.4. DK va Talaba ushbu bob bo‘yicha o‘zaro munosabatlarning qo‘shimcha shartlarini o‘zaro qo‘shimcha kelishuv tuzish orqali tartibga solish 
huquqiga ega. 
2-bob. Xizmatlar uchun to‘lov 
2.1. Ushbu bo‘lim doirasidagi DKning xizmatlari asosida Talaba Yaponiyadagi tashkilotlarga ishga joylashgan (ishga qabul qilish haqida taklif 
qabul qilingan, jumladan, Talaba mustaqil ravishda Yaponiyadagi tashkilotlarga ishga kirgan hollarda) hollarda Talaba DKni bu haqida 
quyidagilarni ko‘rsatgan holda zudlik bilan yozma xabardor qilishi lozim: 
1) Yaponiyadagi tashkilot nomi; 2) Ishning boshlanish sanasi; 3) Yaponiyadagi yashash joyi manzili (yashash joyidan ro‘yhatdan o‘tgandan keyin 
3 kun ichida). 
2.2. Talaba Yaponiyadagi tashkilotda ish boshlagan kundan boshlab har oyning so‘nggi ish kuniga qadar DK foydasiga 250 (ikki yuz ellik) 
AQSH dollari miqdorida to‘lov amalga oshirishi lozim. Ushbu to‘lov 3 (uch) yil davomida amalga oshiriladi. 
2.3. Talaba bilan mehnat shartnomasi bekor qilingan, mehnatga layoqatsizlik holatlarida, Talaba boshqa tashkilotga ishga o‘tgan yoki boshqa uzrli 
sabablar mavjud hollarda, DK ushbu bobning 2.2-bandida ko‘rsatilgan to‘lovni qisman yoki butunlay voz kechish huquqi, yoki to’lovni muddati va 
amalga oshirish shartlarini o‘zgartirish huquqiga ega.