Jdpu antiplag uz (ID: 3921) Tashkilot: Hisobot "Antiplag. Uz" servisi tomonidan taqdim etilgan hujjat to'G'risidagi ma'lumotlar

“Jala” hikoyasida Asqarjon va Salomatning juda ko‘p janjallashuvi haqida 
choyxonadagi chollar suhbatlashib qoladilar. Ularning aytishiga qaraganda, 
janjalga asosan, Salomatxonning eriga ishonmasligi sabab bo‘lar ekan. Hattoki shu 
keksalar ham o‘rtaga necha bora tushib yoshlarni yarashtirib qo‘ygan o‘rinlarni 
ko‘rishimiz mumkin. Bunda mahallaning harakatlari, yoshlar turmushini 

---

24 
yaxshilashdagi mehnatlarini ham ko‘rishimiz mumkin. Xuddi shunday paytda 
Asqarjonni ovutishda ham bu janjalni, hamda janjalning sabablarini bir jalaga 
qiyoslanishida ko‘ramiz. Salomatxon bu dunyodan o‘tsada, lekin, o‘sha jala 
to‘xtamaganligini, Asqarjon esa ayolining janjaliga o‘xshatilgan jala ostida 
yurishni yaxshi ko‘rardi. Balki yomg‘ir ostida yursa, uning ayoli qaytib kelganday 
bo‘lar, balki jala bo‘layotgan vaqtda usti shalabbo bo‘lib yurgan Asqarjon hali ham 
rahmatli rafiqasining janjallari davom etayotganligini sezar, shuning uchun bu 
yomg‘ir uning uchun yoqimli tuyular edi. “Ertayu kech ermagi Salomatxondan 
qolgan yodgori-Yulduz qizi edi… Boya jala quyib turganda bemalol ivib kelishini 
ko‘rdinglarmi? Hoynahoy, bu Salomatxonni qo‘msaganidan, boshimdan jala quyib 
tursa ham mayli edi, desa kerakda, boyaqish…”. Yozuvchi aynan mana shu 
jumlalar orqali Asqarjonning xarakteriga xos jihatlarni ochib beradi. Shuningdek, 
Salomatxon xarakteriga xos xususiyatlar sababli hikoyani adib “Jala” deb 
nomlagan bo‘lsa ajab emas.
O‘ktam Usmonov qisqa hikoyalarida urushdan keyingi qiyinchiliklarni 
qahramonlar xarakteri orqali ochib beradi. Yozuvchining eng katta yutug‘i 
shundaki, hikoyalardagi barcha obrazlar muvaffaqiyatli chiqqan. U qahramonining 
portretini chizmaydi, e’tibor berib o‘qilsa, hech qaysi qahramonning tashqi 
ko‘rinishi alohida tasvirlanmagan. Bu ham O‘ktam Usmonovning o‘ziga xos uslubi 
hisoblanadi. Ammo qahramonlarning qiyofasi ularning nutqlari orqali shunday 
namoyon bo‘ladiki, beixtiyor o‘sha odamlar yonginangizda turgandek, siz ularni 
hayotda ko‘rgandek tuyuladi. O‘ktam Usmonov ijodi xalqchil ijod. Adib ijodidagi 
realizm, badiiylik, an’anaviylik, milliylik va umuminsoniylik kabi muhim 
g‘oyaviy-estetik o‘lchovlar zamirini xalqchilliksiz tasavvur etib bo‘lmaydi. Uning 
asarlaridagi ma’nodor misralar, tanlangan so‘zlarning jarangdorligi kitobxonni 
o‘ziga rom etib kelmoqda. O‘ktam Usmonov hikoyalari ijtimoiy-siyosiy muhitning 
turlicha talqinlari sifatida yaratilgan. Inson nafaqat o‘zining, balki o‘zgalarning 
xatti-harakatiga, xarakteriga, qadriyatlariga va intilishlariga ham munosabat