Ўйин қоидалари 2022/23 The International Football Association Board

Тушунтириш
Жамоаларнинг расмий шахсларининг қоидабузарлиги учун энди СК/ККдан фойдаланган ҳолда жазо чораси қўлланилади.
03-қоида - Ўйинчилар

3. 
   Алмаштириш тартиби
   

Тузатиш киритилган матн
Асосий таркиб ўйинчисини алмаштириш пайтида захирадаги ўйинчилар қуйидаги шартларни бажариши зарур:
• (...)

• 
  Алмаштириладиган ўйинчи:
  

o агар бунгача майдонни тарк этмаган бўлса, ҳакамдан майдонни тарк этиш учун рухсат олади ва майдон четини белгиловчи чизиққа энг яқин нуқтадан майдонни тарк этиши керак. Ҳакам ўйинчига тўғридан ва марказий чизиқдан дарҳол ёки бошқа нуқтадан майдонни тарк этишини кўрсатган ҳоллар (масалан, хавфсизлик ёки жароҳат сабабли) бундан мустасно.
о Алмаштириладиган ўйинчи майдонни марказий чизиқдан тарк этиши шарт эмас ва дарҳол техник ҳудуд ёки кийим алмаштириш хонасига ўтиши керак ва у ўйинда бошқа иштирок этмайди. Қайта алмаштиришлар рухсат этилган ҳоллар бундан мустасно.

• 
  Агар алмашадиган алмаштириладиган ўйинчи майдонни тарк этишни истамаса, ўйин давом эттирилади.
  

Тушунтириш
Майдонни марказий чизиқ орқали секин тарк этаётган (бу Қоидаларнинг мажбурий талаби эмас) алмаштирилаётган ўйинчи томонидан ўйин вақтининг “йўқотилиши”га барҳам бериш учун, агар ҳакам, масалан, хавфсизлик билан боғлиқ муаммолар юзага келса, ўйинчига марказий чизиқдан тез тарк этиш ёки уни замбилда олиб чиқиб кетиш ҳақида бошқа кўрсатма бермаган бўлса, ўйинчи майдон четини белгиловчи чизиқга энг яқин нуқтадан (жароҳат олган пайтдагидек) тарк этиши керак. Ўйинчи захирадаги футболчилар, томошабинлар ёки учрашувнинг расмий шахслари билан юз бериши мумкин бўлган кўнгилсиз ҳодисани олдини олиш мақсадида дарҳол техник ҳудуд ёки кийим алмаштириш хонасига ўтиши керак. Ушбу қоиданинг руҳиятини бузган ўйинчи спортчига хос бўлмаган қўлки-атвори, яъни ўйин вақтини чўзгани учун жазоланиши керак.