Ўйин қоидалари 2022/23 The International Football Association Board

04-қоида - Ўйинчилар экипировкаси

3. 
   Ранглар
   

Қўшимча киритилган матн
Ички майкалар қуйидагича бўлиши керак:

• 
  футболка енгининг асосий ранги билан бир хил рангда ёки
  
• 
  футболка енгини аниқ такрорловчи ранг-баранг / накшли.
  

Тушунтириш
Ишлаб чиқарувчилар энди ички майкаларни асосий футболкалар енги каби бир хил енгли қилиб тайёрлашмоқда. Улар учрашувнинг расмий шахсларига қарор қабул қилишда ёрдам бериши туфайли, бунга рухсат берилиши керак.
05-қоида - Ҳакамлар

2. 
   Ҳакамнинг қарорлари
   

Тузатиш киритилган матн
Агар ҳакамнинг ўзи ёки учрашувнинг бошқа расмий шахсининг маслахати билан хато қарор килганини тушунса-ю, ўйин давом эттирилган бўлса ёхуд учрашувнинг биринчи ёки иккинчи бўлими якунлангани (жумладан, қўшимча вақтлар) хақида ишора берган ва майдонни тарк этган бўлса, ёки ўйинни якунлаган давом эттиришни бас килган бўлса, у ўйинни давом эттириш услуби хақидаги қарорини ўзгартириши мумкин эмас. Аммо бўлим якунланганидан кейин ҳакам видео кўриб чиқиш майдонига (RRA) бориш ёки ўйинчиларга майдонга қайтиш кўрсатмасини бериш учун майдонни тарк этса, бу ҳолат бўлим якунланишидан олдин содир бўлган кўнгилсиз ҳодисага нисбатан ўз қарорини ўзгартиришига монелик килмайди.
Қоидаларнинг 12.3-банди ва VAR баённомасида кўрсатилган ҳолатларни истисно килган ҳолда, агар учрашувнинг бошқа расмий шахси аниқлаган ва бу ҳақда ўйин давом эттирилгунга қадар ҳакамга хабар беришга уринган бўлса, ўйин давом эттирилганидан кейин фақат интизомий чора қўлланилиши мумкин. Ушбу чора ўйиннинг давом эттирилиш услубига қўлланилмайди.
Тушунтириш

• 
  "Якунлаган" сўзи мазмун жиҳатдан унчалик тўғри эмас — "бас қилган" мақулроқ.
  
• 
  Агар бўлим якунланганидан кейин ҳакам видео кўриб чиқиш майдонига (RRA) борса ёки ўйинчиларга майдонга қайтиш кўрсатмасини берса, бундай ҳолатда "видеокўрик"га рухсат берилади ва бўлим якунланишидан олдин кўнгилсиз ҳодиса содир этилган бўлса, қарор ўзгартирилиши мумкин.
  
• 
  Баъзида учрашувнинг расмий шахси СК/КК билан жазоланадиган қоидабузарликни аниқлайди/хабар беради (масалан, ёрдамчи ҳакам тўп бўлмаган жойда тажовўзкорона хатти-ҳаракат хақида байроғи билан ишора беради), лекин ҳакам ўйин давом эттирилгунга қадар ишорани курмайди / хабарни эшитмайди. Ҳакам шундан кейин ҳам тегишли интизомий чора қўллаши мумкин, аммо содир этилган қоидабузарлик билан боғлиқ ўйиннинг давом эттирилиш услубини ўзгартира олмайди.