Жиноят-процессуал кодексига

32-модда. Суд мажлиси котиби


Суд мажлиси котиби раислик қилувчининг топшириғига биноан жиноят ишини суд мажлисида кўриш учун тайёр­лайди; суд муҳокамасининг вақти ва жойи тўғрисида про­цесс иштирокчиларига хабар беради; судга чақирилган про­цесс иштирокчиларининг келган-келмаганлигини текширади ва ҳозир бўлмаган шахсларнинг келмаганлиги сабабини аниқлаб, бу ҳақда судга маълум қилади;суд мажлислари баённомасини ёзиб боради; раислик қилувчининг суд муҳока­масини тайёрлаш ва ўтказиш билан боғлиқ бошқа топши­риқларини бажаради.
Котиб баённомада суднинг ҳаракатлари ва қарорларини, шунингдек, суд мажлиси барча иштирокчиларининг ҳара­катлари, ариза, илтимос ва кўрсатувларини тўла ва тўғри баён қилиб бориши шарт.

1. Суд мажлисининг котиби раислик этувчининг топшири­ғига кўра жиноят ишини суд мажлисида кўрилиши учун ушбу моддада кўрсатилган вазифалардан ташқари халқ маслаҳатчи­ларини таклиф этади, шунингдек, жабрланувчиларни, гувоҳлар­ни, экспертларни, таржимонларни чақиради, прокурор ва адво­катларга хабарнома юборади.

2. Суд мажлиси котибининг энг асосий ва муҳим вазифа­ларидан бири суд мажлисинитўлиқ ва ҳар бир суд ҳаракатини холис ва аниқифода этувчибаённомани юритиш ҳисобланади.Баённоманинг ўз вақтида ва сифатли юритилиши учун раислик этувчи билан бирга суд мажлисининг котиби ҳам масъулдир. ЖПКнинг 426-моддаси бешинчи қисмига биноан баённоманинг мазмуни бўйичараислик қилувчи билан ўрталарида келишмов­чилик бўлган тақдирда, котиб ўз мулоҳазаларини ёзма тарзда баённомага илова қилиши шарт. Бу мулоҳазалар суд таркиби томонидан кўриб чиқилади. Мазкур масала юзасидан ажрим чиқарилиб, баённомага илова қилинади. Агардасуд мажлиси жараёнида бир нечта котиб қатнашган бўлса, ҳар қайси котиб ўзи юритган баённома қисмини имзолаши шарт.
3. Суд мажлиси котибининг ўз процессуал мажбуриятини бажариши, башарти ушбу ишсудда янгидан кўриш учун юборилган бўлса, у томонидан суд мажлиси баённомасини яна тузишига монелик қилмайди (ЖПКнинг 76-моддаси шарҳига қаранг).
4. Суд мажлиси котибини рад қилиш ҳақидаги масала суд томониданҳал қилинади (ЖПКнинг 76,80-моддалари шарҳига қаранг).