Жиноят-процессуал кодексига

Айбланувчи ўз вазифасини бажармаган тақдирда уни ўз қарамоғига олган шахс қонунда назарда тутилган жавоб­гарликка тортилиши мумкин.

1. Вояга етмаган шахсни ота-она, васий, ҳомий бўладиган шахсларнинг қаровларига топширишдан аввал ушбу шахслар тўғрисида маълумот йиғилиши ва айнан шу шахсларнинг вояга етмаган шахсни қаровга олиш имконияти аниқланиши лозим.

2. Агар ота-она томонидан терговчига уларнинг қаровига вояга етмаган айбланувчини топшириш тўғрисидаги илтимос­нома берилса, ушбу илтимоснома етарли деб ҳисобланиши керак.
3. Вояга етмаган айбланувчини ота-онаси, ҳомийлари, васий­лари ёки қаровга олиш учун тайёр бўлган бошқа шахсларга топширишда унинг қандай жиноят содир этиб, қандай жавоб­гарликка тортилиши ва уларниннг бевосита жавобгарлиги ту­шунтирилиши лозим. Бу тўғрида вояга етмаган айбланувчини ўзгалар қаровига топшириш баённомасигаёки суд баённомасида қайд этилади.

557-модда. Вояга етмаган шахсни болалармуассасасига жойлаштириш

Эҳтиёт чораларини қўллаш учун асослар бўлган тақдир­да, вояга етмаган айбланувчини, судланувчини турмуш ва тарбияланиш шароитига кўра илгариги яшаш жойида қолдириб бўлмаса, у терговчининг прокурор санкция берган қарорига ёки суднинг ажримига биноан болалар муассасасига жойлаштирилиши мумкин.

1. Болалар муассасасига терговчининг прокурор рухсат берган қарори ёки суд ажримининг нусхаси ижро этиш учун юборилади. У ерга вояга етмаган шахс тегишли кузатувчи билан жўнатилади.

2. Ушбу қарор билан иш бўйича манфаатдор бошқа шахслар танишиб чиқиш ҳуқуқига эгадирлар.


558-модда. Вояга етмаган айбланувчини қамоққа олиш


Эҳтиёт чораси сифатида қамоққа олиш вояга етмаган шахсга нисбатан ушбу Кодекснинг 236-моддасида назарда тутилган асослар бўлганда ва унга беш йилдан ортиқ муд­датга озодликдан маҳрум қилиш тайинланиши мумкин бўл­ган қасддан жиноят содир этганликда айб эълон қилинган ҳамда айбланувчининг муносиб хулқ-атворда бўлишини бошқа эҳтиёт чоралари таъминлай олмайдиган тақдирда қўлланилиши мумкин.
Вояга етмаган шахсга нисбатан қамоққа олиш тарзидаги эҳтиёт чорасини қўллаш тўғрисида илтимоснома қўзғатиш ҳақидаги масалани кўриб чиқишда прокурор иш материал­лари билан шахсан танишиб чиқиши, илтимосноманинг асослилигини текшириши, ҳодисани фавқулоддалигига ишонч ҳосил қилиши, айбланувчини ушбу эҳтиёт чорасини қўллаш билан боғлиқ ҳолатлар бўйича сўроқ қилиши шарт.