Katta guruhda yil davomida oʻtkaziladigan matematika mashgʻulotlarining taqsimlanishi

18-MASHG`ULOT
Geometrik shakllar
Mavzu: Geometrik shakllar haqidagi tasavvurlarni rivojlantirish
Maqsad:

• 
  Bolalarning geometrik shakllar haqidagi tasavvurlarini rivojlantirishni davom ettirish.
  

Kutilayotgan natijalar:

• 
  Bolalarda geometrik shakllar va atrofdagi narsalar orasidagi o`xshashliklar haqida tushunchalar mustahkamlanadi.
  
• 
  Bir to`plam geometrik shakllardan aniq buyumlarni, narsalarni va imoratlarni yasay olishni o`rganadilar.
  
• 
  Bolalar mustaqil fikrlashga va har bir ishga ijodiy yondashishga o`rganadilar.
  

Kerakli jihozlar:

• 
  Turli geometrik shakllardan medalionlar.
  
• 
  Turli o`lchamdagi geometrik shakllar.
  
• 
  Geometrik shakllar atributi.
  

Mashg`ulotning borishi:
Tarbiyachi: Bolajonlar, sizlar geometrik shakllarni juda yaxshi taniysizlar, to`g`rimi?
Aziz bolajonlar, bugun men sizlarga geometrik shakllar mamlakati haqida hikoya qilib beraman. Bir bor ekan, bir yo`q ekan, faqat geometrik shakllar yashaydigan mamlakat bor ekan. Bu mamlakatda hamma shakllar tinch, totuv yashar ekanlar. Uchburchak shaklining uyi uchburchak, doiraniki doira, kvadratniki kvadrat shaklida ekan.
Bu mamlakatga Uchburchak shakli podsholik qilar ekan. Uning boshchiligida turli bayramlar, tanlovlar o`tkazilib turilar ekan. Hozir siz bu ajoyib mamlakatninr tanlov shartlarini bajarib qanchalik qobiliyatli ekanligingizni namoyon qilishingiz mumkin. Buning uchun kichik jamoalarga bo`linib olamiz. Kichik jamoalarga bo`linish uchun har bir bola turli geometrik shakllar medalionidan bittasini tanlab oladi va shu shakl turgan stolga borib o`tiradi.
Mana "Uchburchak", "Kvadrat", "Doira", "To`g`ri to`rtburchak" nomli jamoalarga bo`linib oldik. Endi birinchi shartning topshirig`i bilan tanishib oling:
1-shart. Har bir jamoa turli geometrik shakllardan shahar barpo etadi va shaharning binolariga ta’rif beradi.
2-shart. Har bir jamoa o`z stolidagi geometrik shakllardan naqshli gilamchalar yasaydi va gilamchani nomlaydi.
Bolalar gilamchani yasab bo`lganlaridan so`ng uning nomini aytadilar va ta’riflaydilar.

"Quyoshjon" gilamchasi