Katta guruhda yil davomida oʻtkaziladigan matematika mashgʻulotlarining taqsimlanishi

Bolalar bilimini tekshirish va mustahkamlash uchun savollar:

1. 
   Xarita bilan harakatlanish oson bo`ldimi yoki aytib turilgan topshiriq asosida harakatlanishmi?
   
2. 
   Xarita asosida marraga yetish uchun nechta joydan o`tdingiz?
   
3. 
   Chap qo`lingizni balandga ko`taring, o`yin davomida necha marta chapga yurganligingizni eslay olasizmi?
   
4. 
   O`ng qo`lingizni balandga ko`taring, o`yin davomida necha marta o`ng tomonga yurganligingizni eslay olasizmi?
   

Mashg`ulot yakunida bolalarni rag`batlantirish.


21-MASHG`ULOT
Vaqt haqida tasavvur
Mavzu: Yil fasllari bilan tanishtirish va fasllarning nomini tog`ri aytishga o`rgatish
Maqsad:

• 
  Bolalarda yil fasllari to`g`risida tushuncha hosil qilish.
  

Kutilayotgan natijalar:

• 
  Bolalarda yil fasllari - qish, bahor, yoz, kuz haqida tushuncha hosil bo`ladi.
  
• 
  Bolalar qish, bahor, yoz, kuz, yil fasllari so`zlarini nutqda tushungan holda qo`llash ko`nikmasini egallaydilar.
  

Kerakli jihozlar:

• 
  Yil fasllari tasvirlangan suratlar (o`lchami: bo`yi 15 sm, eni 20 sm).
  
• 
  4 xil rangdagi doira shakli.
  
• 
  Bo`yi 12 sm, eni 20 sm o`lchamdagi qog`ozda tugallanmagan rasmlar (har bir bolaga).
  

Mashg`ulotning borishi:
Tarbiyachi: Bolajonlar, hech e’tibor berganmisiz, ba’zida havo issiq bo`ladi, ba’zida yomg`ir yog`adi, ba’zida havo sovuq bo`lib qor yog`adi. Tabiatdagi bu o`zgarishlar ma’lum vaqtlarda bo`ladi va bu vaqtlarning o`z nomi bor.
Hozir sizlarga topishmoq aytaman, topishmoqni nima haqida ekanligini topasizlar:
Kelib ketar bir yilda,
To`rt og`ayni har xilda. (To`rt fasl)
Bolalar topishmoqni topganlaridan keyin tarbiyachi fasllar tasvirlangan suratlarni ko`rsatib fasllar haqida to`liq tushuncha beradi va so`raydi:
-Bolajonlar, bahor, yoz, kuz, qishni birgalikda qanday atashimiz mumkin? (Bolalarning javoblari).
-Bolajonlar, hozir qaysi fasl? (Bolalarning javoblari).