«Келишилди» «Тасдиқлайман Қўнғирот ХҚО касаба уюшма қўмитаси раиси Қўнғирот ХҚО бошлиғи

Электр токининг организмга таъсири
Электр токи одам танаси орқали ўтар экан, уни қиздиради, бу эса куйишга олиб келиши мумкин.
Электрдан куйиш ички тўқималарни жиддий жароҳатлаши мумкин.
Бунда жабрланувчининг электр токи кирганва чиққан жойларида жароҳат кўринади. Бу куйик кўринишидан аҳамиятсизга ўхшаса-да, аслида анча оғир бўлади, чунки ички тўқималар жиддий жароҳатланган бўлиши мумкин. Электр, одатда, чуқур куйдиради.
Электр токи уриши, куйишдан ташқари юрак аритмиясини келтириб чиқариши, ҳатто юрак ва нафас олишнинг тўхташига ҳам олиб келиши мумкин.
Электр токидан шикастланганда қуйидаги белгилар кузатилади:

1. 
   Тўсатдан қарсиллаган товуш эшитилади ёки ёруғлик чақнагандай бўлади;
   
2. 
   Жабрланувчи беҳуш ҳолатда бўлади;
   
3. 
   Ўзини ғалати тутади;
   
4. 
   Тери устида аниқ куйган жойлар учрайди;
   
5. 
   Нафас олиш бузилади;
   
6. 
   Томир уриши заиф, аритмик ёки умуманбилинмайди;
   
7. 
   Одатда, қўл панжалари ёки оёқ кафтларида электр заряди кирган ва чиққан жойлар учрайди.
   

Электрдан куйишнинг олдини олиш учун электр ускуналардан ҳеч қачон сув яқинида фойдаланмаслик, эскирган электр шнурларни ташлаб юбориш ёки таъмирлаш, уйда кичкина болалар бўлса, электр розеткаларни улардан яхшилаб эҳтиётланганлигига ишонч ҳосил қилиш керак.
Момақалдироқ яқинлашганда яшин уришидан сақланиш учун бино ичига кириб олиш, машинага ўтириб, ойналарини бутунлай ёпиб қўйиш, сузаётган ёки қайиқдаги инсон имкони борича тезроқ қирғоққа чиқиб олишга ҳаракат қилиши, шошилинч ҳолатлардан ташқари вақтда телефондан фойдаланмаслик, телеграф ёғочларига ёки баланд дарахтларга яқин бормаслик, тепалик устида бўлмасликка ҳаракатқилиш, жарлик ва пастликка яширинишга интилиш, қишлоқ хўжалик техникаси ҳамда мотоцикл, велосипед сингарикичик транспорт воситаларига яқин бормаслик, металл тўсиқ, юқори кучланишли линия, пўлат қувур ва рельслар ёнида, шунингдек электр ўтказадиган бошқа нарсалар яқинида турмаслик керак.