Кимёвий технология асосий жараён ва курилмалари

Осма иситувчи камерали буғлаткич. Ушбу турдаги қурилмаларда иси-
тувчи камера 1 ўз обечайкасига эга бўлиб, қобиқ 2 нинг пастки қисмига эркин, 
қўзғалувчан қилиб ўрнатилган. Иситувчи буғ труба 3 орқали узатилади ва камера 
8-расм. Ички иситувчи камера ва мар- 
казий циркуляцион трубали 
буғлатиш қурилмаси. 
1 - қобиқ; 2 - иситувчи камера; 3 - 
қайнаш трубалари;
4 - циркуляцион труба;
5 - сепарацион бўшлиқ;
6 – томчи ушлагич.
9-расм. Осма иситувчи камерали
буғлатиш қурилмаси. 
1 - иситувчи камера;
2 - қобиқ; 3 - буғ трубаси; 4 
- томчи ушлагич; 5 - тўкиш 
трубаси; 6 - ювиш учун те-
шикли труба.

---

21 
1 нинг трубалараро бўшлиғига юборилади. Иссиқлигини берган буғ конденсат 
ҳолида ҳамда иситувчи камеранинг пастки қисмидан чиқарилади. Исиган эритма 
эса, қайнаш трубаларидан юқорига кўтарилади ва эркин циркуляция таъсирида 
буғлатиш жараёни содир бўлади (9-расм). 
Иккиламчи буғ томчи ушлагич 4 дан ўтиб қурилманинг тепасидан чиқиб ке-
тади. Иккиламчи буғдан ажратиб олинган суюқлик труба 5 орқали пастга оқизиб 
туширилади. Қурилма қайнаш трубаларининг ички ва ташқи юзаларида ҳосил 
бўлувчи ковакли қатлам (накипь) вақти-вақти билан сув билан ювилиб турилади. 
Бу қурилмада марказий циркуляцион труба иситувчи камера ташқарисида 
ўрнатилган бўлиб, катта кўндаланг кесимга эга. Шунинг учун ҳам эритма цирку-
ляциясияга ижобий таъсир этади. 
Иситувчи камера эркин, ҳаракатчан ҳолда ўрнатилгани учун трубаларнинг 
тешикли панжаралардаги зичлиги бузилмайди. Ундан ташқари, осма ҳолатдаги 
камерани демонтаж қилиш осон. 
Осма иситувчи камерали буғлаткич афзалликлари: эритмалар буғлатили-ши 
интенсив; иситиш камераси осма ҳолда ўрнатилгани учун, температуралар фарқи 
катта бўлганда ҳам трубалар зичлиги ўзгармайди; иситувчи камеранинг яроқсиз 
трубаларини алмаштириш осон; эритма циркуляциясининг карралиги катта; қат-
тиқ, ковакли қатлам кам ҳосил бўлади. 
Буғлаткич камчиликлари: иситувчи элткич ва конденсатнинг трубалар 
орқали кириши ва чиқиши қийин; металл сарфи катта; қовушоқлиги юқори эрит-
маларни буғлатиш самардорлиги паст; эритма трубаларга ёпишиб қолади. 

---

22 
Эркин циркуляцияли буғлаткичлар тузилиши содда ва кристалланмайдиган, 
ўртача қовушоқликли суюқликларни буғлатиш учун қўлланилади (10-расм). 
Буғлатиш қурилмаси сепаратор, иситувчи камера ва циркуляцион трубадан 
ташкил топган. Сепаратор эллиптик қопқоқли цилиндрик қобиқдан иборат 
бўлиб, иситувчи камерага болтлар ёрдамида бирлаштирилган. Унда, иккиламчи 
буғни томчилардан ажратиш учун турли конструкцияли қайтаргичлар ўрнати-
лади (10а-расм), Иситувчи камера эса, вертикал қобиқ-трубали иссиқлик алма-
шиниш қурилмаси типида ясалган бўлиб, трубалараро бўшлиғига буғ юборилади 
ва трубалар ичида эритма қайнатилади. 
Сепаратор ва иситувчи камералар пастки қисмлари циркуляцион труба би-
лан бирлаштирилган. Циркуляцион ва қайнатиш трубаларидан таркиб топган ту-
ташган системада табиий циркуляция ҳосил бўлади. 
Агар, трубаларда эритма қайнаш даражасигича иситилса, ундаги бир қисм 
суюқлик буғланиши натижасида трубаларда буғ - суюқлик аралашмаси ҳосил 
бўлади. Албатта, бу аралашма зичлиги суюқлик зичлигидан кичикдир. Шундай 
қилиб, циркуляцион трубадаги суюқлик массаси, қайнаш трубадаги суюқликдан 
катта бўлиши аниқ. Натижада, қайнаш трубаси – буғ бўшлиғи - циркуляцион