Kiyim buyumlarini tuzatish ishlari

Kiyimlarni tuzatishda ish o’rnini tashkil qilish.

Bajariladigan ishga qarab ish o’rni tayyorlanadi. Bajariladigan ishlar qo’lda tikish, tugma qadash, petlya tikish, yamoq solish, ilgak chatishdan iborat bo’lsa, stol va stulni yorug’ yaxshi tushadigan joyga quyiladi. Ish qutichasi va kerakli asboblar tayyorlanadi. Agar mashina, dazmol ishlari shu moslamalar turgan joyida bajariladi.

Sanitariya va gigiyena qoidalari.

Tuzatiladigan kiyimlar yuvilgan, toza, dazmollangan bo’lishi kerak. Ishni bajarishdan oldin, ish o’rnini ko’rib, ortiqcha narsalar bo’lsa, yig’ishtirib so’ngra ishni boshlash mak,sadga muvofikdir. Ish tugagach, yana xamma narsalarni asboblarni joy-joyiga qo’yish kerak.

Xavfsizlik texnikasi qoidalari.

Kiyimlarni tuzatishda tikuv mashinasidan, igna, to’g’nag’ich, qaychi, angishvonalardan foydalaniladi. Ular bilan ishlaganda extiyot bo’lish kerak. Kaychining og’zi ochiq qolmasligi, biror kishiga uzatganda uning uchidan ushlab uzatish lozim. Ninani og’ziga olib borish, ko’ylakka qadab qo’yish, har qayerga tashlash, ipsiz qoldirish eng yomon odat. Ninani biroz ipi bilan yostiqchaga qadab qo’yish kerak.