Книга узб испр! gjck!indd

Trenerning varianti №1:
«Temur skeytbordda uchishga qiziqishni boshladi va o’zi uchun 
professional skeytbord sotib olishga qaror qildi. U bir oz ayyorlik qilishga 
qaror qildi: ota-onasiga cho’ntak puli yetmayotganligini aytdi. Ota-onasi 
unga bir oz ko’proq pul berishni boshladi. Ammo kerakli miqdorni tezroq 
yig’ish uchun uning o’zi ham pul ishlab topishni boshladi: eski narsalarni 
Internet orqali sotib olishni va qayta sotishni boshladi. To’plash uchun 
ozgina miqdor qolganda, savdo ham bir oz sekinlashdi. Kunlarning 
birida Temur do’konda xaridorlardan birining hamyoni qanday tushib 
qolganini ko’rdi. Buni odamning o’zi ham, boshqa xaridorlar ham 
payqamadilar. Temur hamyonni oldi - ichida katta mablag’ bor edi. 
Gumonga tushmaslik uchun yigit bir nechta kupyuralarni chiqarib, 
hamyonini tashlab yubordi. Olingan mablag’ skeytbord sotib olish uchun 
yetmagan miqdorni qopladi. Temur skeyt sotib oldi.
Trenerning varianti №2:
«Temur skeytbordga qiziqishni boshladi va o’zining professional 
skeytbordini sotib olishga qaror qildi. Ammo buning uchun ancha 
mablag’ kerak bo’ldi. Ota-onasi unga cho’ntak pulini berishdi, lekin u 
ularni tejashni istamadi va uni saqlamadi. U boshqa yo’l bilan mablag’ 
yig’ishga qaror qildi. Temur bog’dagi qo’shnilarning mevalarini o’g’irlash 
va uzoq bozorda sotish uchun bir nechta tengdoshlarini yig’di. Ammo 
tez orada ular shubha ostiga tushdilar va bolalar bu ishlarini to’xtatdilar. 
Keyin Temur sheriklariga metallolom qidirishni maslahat berdi. Ba’zan 
yigitlar hovlilaridan yoki kirish joylaridan hanuzgacha foydalanadigan 
narsalarni sudrab ketishardi. Ammo bu maqsadga muvofiq edi. Temur 
metal buyumlarni sotish bilan shug’ullanar edi, shuning uchun u 
daromadning katta qismini o’ziga qoldirar edi. Tez orada kerakli miqdor 
yig’ildi. Ammo Temur o’sha vaqtga kelib unga skeyt kerak emasligiga 
qaror qildi. Bir necha kun ichida u barcha pullarini onlayn o’yinlarga 
sarfladi».
Ikkala variantni ham o’qib chiqqandan so’ng, trener tinglovchilarni 
Temurning hikoyasini har bir talqinidagi muhim ma’lumotlarni navbat 
bilan nomlashga taklif qiladi. Javoblar ikki xil ustunda flipchartga yozib 
qo’yiladi.
Keyingi bosqich, o’z navbatida, ikkita hikoyaning asosiy fikrlarini 
umumlashtirish.