Концепция пиима

E-OBUNA WEB-PLATFORMA – электрон платформаси

Платформа қуйидаги структурага эга бўлади:
Платформанинг ташқи қисми – ташқи фойдаланувчилар (аҳоли, обуначилар) учун мўлжалланган интерфейс бўлиб, у даврий босма нашрлар, газета, журнал, китоб ва бошқа матбаа маҳсулотларига обуна бўлиш ва харид қилиш хизматини, буюртмани етказиб бериш жараёнини кузатиб бориш, қайта алоқа сервиси, фуқаролар учун рўйхатдан ўтиш ва шахсий кабинетдан фойдаланиш имкониятларини ўз ичига олади.
Мазкур Платформанинг фойдаланувчилари қуйидагилар ҳисобланади:

• 
  Ўзбекистон Республикасидаги жисмоний шахслар;
  
• 
  Ўзбекистон Республикасидаги юридик шахслар;
  
• 
  Хорижий давлатлардаги жисмоний шахслар;
  
• 
  Хорижий давлатдаги юридик шахслар.
  

Платформанинг очиқ қисми веб-интерфейси қуйидаги бўлим ва бўлинмалардан иборат:

• Платформа ҳақида

• Обуна бўлиш

• Каталог

  • Газета

  • Журнал

  • Болалар журнали

  • Китоб

  • Болалар китоби

• Электрон ресурс

• Электрон китоблар

• Аудио китоблар

• Янгиликлар

• Ҳамкорлар

• Топ 5

• Қайта алоқа

• Сўров қолдириш

• Шахсий кабинетга кириш

• Рўйхатдан ўтиш

• Буюртмани кузатиш

Платформанинг header (энг юқори блоки) қисмида E-Obuna платформасининг логотипи ва тўлиқ номи, асосий менюлар панели, шунингдек, шахсий кабинетга кириш, буюртмаларни кузатиш ҳамда саватча тугмаси жойлашади.

Платформанинг асосий контент қисмида обуна бўлиш, харид қилиш, буюртма бериш учун мавжуд бўлган газета, журнал, китоб каби нашр турлари, улар бўйича тўлиқ маълумот, обуна бўлиш тартиби, ҳамкорлар, энг кўп фойдаланилган нашрлар бўйича топ-5 каби маълумотлар акс эттирилади.