7.2. Fermentlerdin` aktivligine ta`sir etiwshi faktorlar: temperatura, Pn ortalıq, aktivator ha`m ingivitorlardın` ta`siri., bir neshe gidrolazalar
Fermentlerdin` aktivliligine rektsiya ortalıg`ında qatnasıp atırg`an bir qatar ximiyalıq zatlar da ta`sir ko`rsetedi. Rektsiya ortalıg`ında ayırım bir yonlardın` qatnasıwı fermentativ rektsiya tezligin arttıradı. Bunday zatlar aktivatorlar dep ataladı. Aktivatorlıq wazıypasın ko`binese Na+, K+, Mg++. Ca++ sıyaqlı metall kationları orınlaydı. Fermantativ reaktsiya aktivligin pa`seytiriwshi zatlar ingibitorlar delinedi. İngibitorlarg`a tsianidler, awır metall duzları mısal bola aladı.
Reaktivler: silekey ha`m amiloza fermentinin` shiresi (solod) natriy xloridtin` 0,04 % li eritpesi mıs sul`fatının` 0,1 % li eritpesi kraxmaldın` 1% li eritpesi, yodtın` 1%li eritpesi.
Jumıstın` barısı: U`sh qatar (ha`r –bir qatarda 6 dan) probirka tayarlap, ha`mmesine 1 ml den suw kuyıladı. Keyin ha`r-bir qatardın` birinshi probirkasına 1 ml den amilaza fermenti shiresinen quyıladı. Pipetka ja`rdeminde 1- probirkadag`ı suyıqlıq aralastırılıp , aralaspa 2-probirkag`a alınadı ha`m ja`ne bir ma`rtebe aralastırılıp 2-probirkadan 3-probirkag`a salınadı ha`m tag`ı basqa. Aqırg`ı 6-probirkadan 1 ml artıqsha aralaspa alıp taslanadı. Qalg`an qatarlarda da tap sonday qılınadı.
Birinshi qatar probirkalarg`a 1 ml suw ekinshi qatar probirkalarg`a natriy xlorid duzının` 0,04 %li eritpesinen, 1ml u`shinshi qatar probirkalarg`a mıs sul`fat duzının` 0,1%li eritpesinen 1ml quyıladı. Keyin ha`mme probirkalarg`a 2 ml den kraxmal salınadı ha`m 10 minutqa 40 S inkubatsiyag`a quyıladı. Waqıt tamam bolg`annan keyin ha`mme probirkalarg`a 2 –3 tamshadan yod tamızıladı ha`m aktivator ha`v de ingivatorlar ta`siri anıqlanadı.
7.3. Oksidleniw qa`lpine keliw reaktsiyaların katalizlewshi fermentlerdi ajıratıp alıw ha`m iskerliligin (aktivliligin) anıqlaw.
Tirozinaza fermentinin` aktivliligin anıqlaw.
Tirozinaza fermenti oksidleniw-qa`lpine keliwreaktsiyaların analiz qılıwshı fermentlerge tiyisli bolıp, o`simlikler qu`ramında ken` tarqalg`an. Olar o`simlik o`nimlerinde ren`li zatlar melaninlerdin` payda bolıwında za`ru`rli a`hmiyetke iye.
Reaktivler: kartoshka, tirozinnin` 0,1 % li eritpesi (0,1 g tirozin 100 ml 0,01 n Na2SO3 eritpesinde ku`shsiz qızdırılıp eritiledi.).
Jumıstın` barısı. Kartoshka qırg`ısh ja`rdeminde maydalanıp 2-3 qabat siyle arqalı sıg`ıp shiresi alınadı. Eki probirkag`a 1 ml den kartoshka shiresi salınadı. 1-probirkag`a 2-3 tamshı suw, 2-probirkag`a 2-3 tamshı tirozinnin` 0,5% li eritpesi qosıladı. Probirkadag`ı suyıqlıq jaqsılap aralastırılıp, 60 minut dawamında 400 S inkubatsiyag`a qoyıladı. Uaqtı-uaqtı menen 3-4 ma`rte probirkalar jaqsılap aralastırılıp turıladı. Uaqıt o`tkennen son` tirozin qosılg`an probirkada qara ren` payda boladı. Bul ren` tirozinaza fermenti ta`sirinde tirozinnen payda bolg`an melaninge tiyisli.
Do'stlaringiz bilan baham: |
