Lektsiya №15

Marshrutlaw – bul kerekli adreske mag’lıwmat blogin uzatıw jolın anıqlaw protsessi.
Selektsiyalaw – tiyisli adrestegi informatsiyanı sortlaw.
Lokal tarmaqlar mag’lıwmatlardı marshrutlaw ha’m selektsiyalaw usılı boyınsha eki klassqa ajıratıladı.
Lokal tarmaqlar selektsiyalaw arqalı mag’lıwmatlardı bir abonent sistemasınan basqa sistemag’a uzatıwdı ta’miynleydi.
İsshi sistemalar u’lken ko’lemdegi mag’lıwmatlardı saqlaw, izlew, quramalı esaplawlar, modell`estiriw, da’stu’riy ta’miynattı rawajlandırıwg’a xızmet etedi.
Kommunikatsion () sistemaları tarmaqtı basqarıwdı kommunikatsiya sistemaları abonent sistemalar arasında mag’lıwmatlardı uzatıw ushın marshrutlaw ha’m baylanıslardı kommunikatsiya etiw wazıypasın atqaradı.
Regional tarmaq – bazı bir rayon, waliyat yamasa respublika shegarasındag’ı (ko’lemindegi) komp`yuterlerdi o’zinde ta’miynleytug’ın tarmaq. Bunday tarmaqta bir neshe oraylasqan (yag’nıy lokal tarmaqlardı birlestiriwshi) ju’da’ quwatlılıg’ı ku’neli serverler bar boladı ha’m bunday serverler ortasındag’ı mag’lıwmat, baylanıs kabeli, optikalıq talshıqlı yamasa jasalma joldas radiobaylanıs kanalları ja’rdeminde uzatıladı.
Global tarmaq – du’n`yanın’ qa’legen ma’mleketindegi komp`yu`erlerdi o’zinde birlestiriw imkaniyatına iye bolg’an tarmaq. Bul tarmaq internet te dap ataladı.
İnternet penen internet tu’sinigi de isletiledi.
İnternet – bul internet texnologiyası, programmalıq ta’miynatı ha’m bayanlamaları tiykarında payda bolg’an, mag’lıwmatlar bazası ha’m elektron tablitsalar menen ja’ma’a’t bolıp, islew imkaniyatın beriwshi ka’rxana yamasa sho’lkem shegarasındag’ı jan’a informatsiya ortalıg’ın payda etiwshi komp`yuter tarmag’ınan ibarat.
İnternet basqa komp`yuter tarmaqlarınan to’mendegi ta’repi menen parq qılınadı: bir yamasa bir neshe serverden du’zilgen tarmaq klienti ondag’ı mag’lıwmatlardan paydalanıw ushın olarg’a qaysı serverde yamasa qaysı katalogta qanda at penen saqlanatug’ınlıg’ın, olarg’a kiriw, usılı ha’m sha’rtlerin biliw za’ru’r boladı.
İnternette bolsa bunday qolaysızlıqlar aldı alıng’an bolıp, olardın’ paydalanıwshısı bunday mag’lıwmatlardı biliwi sha’rt emes. Bunnan tısqarı, internet tarmag’ında bar bolg’an barlıq elektron hu’jjetler ha’m MB-n giperbaylanıslar ja’rdeminde o’z-ara boylap mag’lıwmat ortalıg’ın du’ziw, onda qolaylı mag’lıwmattı izlew sistemasın payda etiw mu’mkin boladı.