Loyiha muallifi mehriniso xudaybergenova qalb gavhari o‘zbekiston ijodkor yoshlar to‘plami

BOBOMURODOVA FOTIMA 
2001 yilda Qashqadaryo viloyati Kitob tumanida tug‗ilgan. 
Hozirda O‗zbekiston davlat jahon tillari universiteti talabasi. 
SEHRLI QUCHOQLAR 
Onajon bugun sizni judayam sogʻindim! Sizsizlikka erka koʻnglim hamon 
koʻnikolmayotgandek! Har safar oʻzimni qandaydir mashgʻulotlar bilan ovutishga 
harakat qilaman. Biroq, bugun bu qoʻlimdan kelmadi Onajon. Men yengildim. Sizsiz 
gulyuzli qizingiz soʻlib borayotgandek, vayrona boʼlayotgandek goʻyo! Diydor 
sogʻinchida yengilyabman onajon. Garchi bugun 22 yoshni qarshilagan boʻlsamda 
qalbim hanuz oʻsmirlik yoshimdan kecholmayabdi. Negaki unda siz bor edingiz! 
Sizning xushboʻy iforingizga, quyoshdek charaqlab kulishlaringizga, oʻzgacha 
dunyoqarashingiz, issiq taftingiz, nurga choʻmgan yuzingiz, qaynoq mehringiz,va 
hattoki biz bilib bilmay gʻazabingizni keltirgan kezlarimizda ham bizni ayab bergan 
dakkilaringizga bugun judayam muhtojman Onajon! 
Va yillar xuddi shamoldek uchqur deya qiyoslashlariga nazarimda endi 
tushunayotgandekman. Va yana shu shoshqaloq yillarga quloq solmay xayollarim 
yana oʻsmirlik davrimga oshiqaveradi.Singlim bilan suhbatimiz chogʻida bizga 
bergan har tongi ajoyib muhringizni eslab shirin xayolga berilib ketamiz! Men yana 
yuragim hapqirib;
- Zulayho singiljonim esingdami onamning har tongi 'SEHRLI QUCHOQLARI'
- E opajonime u kunlarni unutib boʻlar ekanmi xuddi kechagidek koʻz oʻngimda... 
Keling nuryuzli, jannat ifori taralib turadigan onajonimning men va singlimga 
aynan qanday umrbod yodimda saqlaydigan unuta olmaydigan ajoyib muhr 
quyganliklari haqida bugun hech ikkilanmasdan qoğozga tushurgim keldi. 
Allohim har kuni berayotgan neʼmatlaridan, yaʼni yangi tong, yangi imkoniyatlar 
va mana shu fayzli otayotgan tongda onamning jarangdor va yoqimli ovozlari; 
-Fotima, Zulayho tong otyabdi, qani turaqolinglar bomdodga kechikamiz. 

---

90 
-Ayajon yana ozgina uxlaylik,koʻzlarimni boshqara olmayabman baribir yumilib 
ketyabdi, dedim norozi ohangda.Singlim esa -Ana opam uygʻonsinlar oldin chunki 
man hali kichkina deya erkalandi. 
Shunda onam; -Hozir mana sehrli quchoqlar yoʻlda ikkala quloqsiz qizchalarni 
quchoqlab, energiyaga toʻldiradi deya xonaga kirib ustimizdan koʻrpani tortib: -Qani 
mani yordamchilarim ana sehrli quchoqlar keldi, issiq tafti bilan sizlarni quchoqlab 
birga bomdod oʻqishga olib ketarkan, deya singlim ikkalamizni mahkam 
quchoqladilar!
Hech yodimdan chiqmaydi onamning mehr bilan quchoqlaganlari yuqori 
energiyaga boy kayfiyatlari bizga ham yuqardi. Tezda karaxtlikdan chiqib,bomdod 
oʻqishga tayyorlanar edik va shu kezi kundalik ishlar ham boshlanib ketardi. 
Onamning bu odatlari aynan nechi yoshimizda boshlanganini bilmayman, ammo har 
tong onajonimning 'Sehrli quchoq' larisiz uygʻona olmasdik.Onam iqtisodiyot fanidan 
oʻqtuvchi edilar va ish yuzasidan malaka oshirish kurslarida bir oy poytaxtga 
ketganlarida singlim bilan menga sahar tongda uygʻonish eng oliy jazodek edi 
goʻyo.Dadam ogohlantirib ketardilar, biz esa ana turdik mana turdik deya oxirida 
dadam yaxshigina koyiganlaridan soʻng uygʻonib ketardik. Shu bilan bir oy yakuniga 
yetib onam uyga kelgan kunlari bizdanda baxtli odam boʻlmagan. " Endi har tong 
onamning sehrli quchoqlari bilan uygʻonamiz" - deya! 
Vaqt oliy hakam ekanligini hali bola koʻnglim bilan toʻlaqonli anglab yetmagan 
yoshimda shu "Sehrli quchoq" lardan ayrildim. Garchi onajonimning Allohim bergan 
umr yoʻllari qisqa fursatda tugagan boʻlsada biroq ming yilga tatigulik mehr va 
quvonchli baxtni his ettirib ketdilar! 

---

91