M mamajanov odam anatomiyasi va fiziologiasi

neyron tanasi - akson - keyingi neyron yoki ishchi a’zo.  
Nerv  hujayralarning  uzun  va  kalta  o’simtalari  maxsus  qobiqlar  bilan 
o’ralgan  bo’lib,  nerv  tolalari  deyiladi.  Tuzilishi  jixatdan  mielinli  va  mielinsiz 
nerv  tolalari  farqlanadi.  Mielinsiz  nerv  tolalarida  neyronning  o’simtasi  o’qli 
tsilindr deyiladi. O’qli tsilindr atrofidan oligodendrotsitlar joylashgan. Ularning 
plazmatik  membranalari  o’qli  tsilindr  -neyron  o’simtasining  membranasi  bilan 
tutashib ketadi va juda tor oraliq bir birini ajratib turadi.  
Mielinli  nerv  tolalarda  oligodendrotsitlarning  yassilashgan  o’simtalari 
o’qli tsilindr atrofida spiralsimon o’ralib, uchlaridan tsitoplazma va yadro siqilib 
tashqi qavat tsitoplazmasiga chiqadi. Mielin qavati spiral shaklida o’ralgan ikki 
plazmatik  mebranalarning  uramasidan  iborat  bo’lib,  o’q  tsilindrning  atrofida 
o’ralgan  qobig’ining  ichki  qatlamini  hosil  qiladi.  Tashqi  qavatni  esa  glial 
hujayraning  yadrosi  joylashgan tsitoplazmasi  hosil  qiladi. Demak, o’qli  tsilindr 
atrofida  mielinli  «fo’tlyar»  hosil  bo’lib,  bunday  nerv  tolasi  mielinli  deyiladi. 
Mielinsiz  nervlarda  mielinli  qobig’i  bo’lmaydi.  Mielinli  kobigni  nerv 
impulslarni o’tkazish tezligi mielinsizga nisbatan ancha yuqori bo’ladi. Mielinli 
va  mielinsiz  nerv  tolalari  glial  hujayralarning  tashqarisidan  bazal  membrana 
bilan  qoplangan.  Mielinli  nerv  tolasida  ikkita  glial  hujayrasi  chegarasida 
sirtmoqsimon toraygan qismi bo’lib, uni Ranv’e bo’g’ilmalari deyiladi.  
Bir  nechta  nerv  tolalarini  ustidan  biriktiruvchi  to’qimali  parda  bilan 
qoplangan.  Bu  parda  endonevriy  deyiladi.  Bir  nechta  nerv  tutamlari  ustidan 
qalin  biriktiruvchi  to’qimali  parda  -  perinevriy  bilan  qoplangan,  natijada  nerv 
hosil  bo’ladi.  Nerv  tarkibiga  kiruvchi  nervlarni  soniga  qarab,  nozik,  ko’zga 
ko’rinmas,  qalin  nerv  tutamlar,  tutamlar  to’plamidan  esa  nerv  stvollari  hosil 

---

 
134 
bo’ladi.  Masalan,  yelkani  o’rta  nervi  tarkibida  19-32  mingta,shu  sohada 
joylashgan  tirsak  nervida  nerv  tolalarni  soni  faqat  13-  18  mingni  tashkil  etadi. 
Qovurg’aaro  nervlarda  oyoqdagi  nervlargi  qaraganda  nerv  tolalarni  soni  ancha 
yuqori  bo’ladi.  Har  xil  sohalardagi  muskullar  tarkibida  nervlarni  soni  va 
diametri har xil bo’ladi. Demak har sohada joylashgan nerv va nerv stvollarning 
tarkibidagi nerv tolalarni soni bir biridan farqlanadi.  
Nerv  tizimida  o’simtalari  yordamida  nerv  hujayralari  bir-biri  bilan 
tutashib, sinapslarni hosil qiladi. Sinapslar hujayralararo kontaktlar bo’lib, nerv 
impulsni  bir  neyrondan  ikkinchi  neyronga  o’tkazadi.  Bir  necha  xil  sinapslar 
farqlanadi:  1.  Akso-somatik  sinaps  -  bir  neyronni  aksoni  ikkinchi  neyronning 
tanasi  bilan  kontaktda  bo’lishi.  2.akso-aksonal  sinaps  -  bir  neyronni  aksoni 
ikkichi  neyronning  aksoni  bilan  kontakti  3.  Akso-dendritik  sinaps  -  bir 
neyronning  aksoni  ikinchi  neyronning  dendriti  bilan  kontaktni  hosil  qilishi.  4. 
Dendro-dendritik  sinaps  -  bir  xil  o’simtalarni  bir  biri  bilan  birikishi.  Nerv 
hujayralarning bunday tuzilishi va birikishi neyronlarni zanjir kabi bir biri bilan 
tutashib ketishini va turli ta’sirotalarni va qo’zgalishni o’tkazishini ta’minlaydi. 
Qo’zgalish  bir  neyron  o’simta  uchidan  ikkinchi  neyron  o’simtasining  uchiga 
maxsus biologik aktiv moddalar yordamida o’tkazilsa, kimyoviy o’tkazish usuli 
hisoblanadi.  Uzatishni  ta’minlovchi  kimyoviy  moddalar  esa  neyromediatorlar 
deyiladi. Noradrenalin, atsetilxolin, serotonin, dofamin kabi kimyoviy moddalar 
neyromediator vazifasini bajaradi.  
Bajaradagan funktsiyasi jixatdan neyronlar uch guruxga afferent, efferent 
va assotsiativ neyronlarga bo’linadi.  
1.  Sezuvchi  yoki  afferent  neyronlar,  tanalari  markaziy  nerv  tizimidan 
tashqarida  joylashadi.  Ko’pincha  bunday  neyronlar  tuzilishi  jixatdan  bipolyar 
yoki  yolg’onunipolyar  tiplarga  kirib,  tanasidan  chiqqan  bitta  o’simtasi  chetga 
chiqib,  uchida  retseptor  hosil  qiladi.  Ikkinchi  o’simtasi  markaziy  nerv  tizimiga 
yo’naladi  (bosh  miyaga).  Retseptorlar  qabul  qilingan  ta’sirotni  nerv  impulsiga 
aylantiradi. 
Joylashuviga 
ko’ra 
quyidagi 
retseptorlar 
ajratiladi: 
a) 
Eksteroretseptorlar  -  qo’zgalishni  tashqi  muhitdan  qabul  qilib,  terida,  shilliq 
pardalarda  va  sezgi  a’zolarda  joylashgan.  b)  Interoretseptorlar  -  qo’zgalishni 
asosan  ichki  muhit  to’qimalarning  kimyoviy  tarkibi  o’zgarganda,  to’qima  va 
a’zolarda  bosimi  o’zgarganda  qabul  qiladi.  v)  Proprioretseptorlar  -  tananing 
xususiy to’qimalarida uchraydi, muskullarda, paylarda, fastsiyalarda, suyaklarda 
va bo’g’im kapsulasidan qo’zgalishni qabul qiladi. 
2.  Efferent  yoki  harakatlantiruvchi  neyronlar  -  tanalari  markaziy  nerv 
tizimida  yoki  simpatik  va  parasimpatik  nerv  tugunlarida  joylashgan. 
Harakatlantiruvchi  neyronlarning  aksonlari  qo’zgalishni  ishchi  a’zolarga  - 
muskullar  yoki  bezlarga  yetkazadi.  ishchi  a’zolar  ikki  guruxga  bo’linadi:  a) 
ko’ndalang-targil muskul to’qimasi, b) vegetativ a’zolar - silliq muskul to’qima 
va bezlar. harakatlantiruvchi nerv o’simtalari muskullar yuzasida nerv oxirlarini 
hosil  qiladi  va  ko’ndalang  -targil  muskul  to’qimasida  akso-muskul  sinapslarni 
hosil qiladi. 
` 
3.  Assotsiativ  yoki  qo’shimcha  neyron  bir  biri  bilan  afferent  neyronni 
efferent  neyron  bilan  tutashtiradi  yoki  nerv  impulsini  sezuvchi-afferent 

---

 
135 
neyrondan 
harakatlantiruvchi-efferent 
neyronga 
o’tkazadi. 
Assotsiativ-
qo’shimcha neyronlarning tanalari markaziy nerv sohasida yetadi 
Bosh  miya  sopidan  12  juft  bosh  miya  nervlari  chiqadi.  Bosh  miya  nervlarini 
o’rganishda  har  bir  nerv  juftini  rakamini,  nervining  funktsiyasi,joylashuvini  va 
nerv  tolalari  bilan  ta’minlanadigan  sohalarni  bilish  kerak.  Sezuvchi  nervlarni 
doim  markazga  tomon  intiluvchi  yo’nalishda,  harakatlantiruvchi  va  aralashgan 
nervlarni esa markazdan kochuvchi yo’nalishda ko’rib o’rganish lozim. 
 
Bosh miyadan 12 juft nerv chiqadi: I- xid bilish nervi, II- ko’rish nervi, III 
-  ko’z  soqqasini  harakatlantiruvchi  nerv,  IY-  g’altaqsimon  nerv,  Y-  uchlamchi 
nerv,  YI-  uzoqlashtiruvchi  nerv,  YII-  yuz  nervi,  YIII-  daxliz-chig’anoq  nervi, 
IX- til-yutqin nervi, X- adashgan nerv, XI - qo’shimcha nerv, XII - til osti nervi. 
 Yuqoridagi nervlar bosh miyaning turli bo’limlari bilan bog’langan bo’ladi: I - 
xid bilish nervi - katta miya yarim sharlarining xid bilish markazi bilan bog’liq, 
II- ko’rish nervi oraliq miyaning ko’rish bo’rtig’i bilan bog’langan, III- IY- ko’z 
soqqasini harakatlantiruvchi nerv va g’altaqsimon nervi o’rta miyabilan bog’liq. 
Y,  YI,  YII,  YIII  juft  nervlari  -  uchlamchi,  uzoqlashtiruvchi,  yo’z  va  daxliz-
chig’anoq  nervlarining  chiqish  joyi  -  ortki  miyaning  Varoliy  ko’prigi  va 
rombsimon  o’yiqning  tubi  hisoblanadi,  IX,  X,  XI,  XII  -  til-yutqin,  adashgan, 
qo’shimcha  va  til-osti  nervlari  uzunchoq  miyadan  boshlanadi,  bo’yinturuq 
teshigidan chiqib, nerv tolalariga ajaralib ketadilar.  
Bajaradigan  funktsiyasi  jixatdan  I,  II,  YIII  juftlar  sezuvchi  nervlar,  III, 
IY,YI, XI, XII - faqat harakatlantiruvchi nervlari hisoblanadi, uchinchi xili - Y, 
YII,IX  ,X  juftlari  aralash  nervlar  bo’lib,  ularning  tarkibida  ham  sezuvchi,  ham 
harakatlantiruvchi nervlardir. 
 
Kalla  suyagi  asosida  miya  nervlarini  kirish  va  chiqish  joylarini  ko’rsata 
bilish  kerak:  I  juft  -  xid  bilish  nervi  burunning  shilliq  pardasining  xid  bilish 
sohasida  xidlov  retseptor  hujayralarining  o’simtalaridan  tashkil  topgan.  Bu 
o’simtalar  15-20  ga  qadar  ipga  o’xshash  oq  tolalar  to’plami  bo’lib,  xid  bilish 
nervi  hisoblanadi.  Ipchalar  holdagi xidlov nervi g’alvirsimon suyakning g’alvir 
plastinka  teshiklari  orqali  kalla  suyagi  bo’shligiga  kirib,  oldingi  miyaning  xid 
bilish  piyozchasida  tugallanadi.  Xid  bilish  nervi  turli  xid  ta’sirotlarini  burun 
bo’shligidan miyaga yetkazadi.. 
II juft - Ko’ruv nervi ko’zning to’r pardasidagi ganglioz hujayralarining 
o’simtalaridan  hosil  bo’ladi.  Xidlov  nervidan  farqli  nerv  ipchalardan  tashkil 
topmay  bitta  yaxlit  nerv  stvolini  hosil  qiladi.Bu  nerv  ko’z  soqqasining  orqa 
tomonidan ko’ruv teshigidan chiqib, kallani ichiga kiradi. Miya bo’shligida chap 
va o’ng ko’ruv nervlariga ajraladi. Miya tubida chap va o’ng nervlar tolalarining 
bir qismi kesishadi va kesishdan keyin ko’ruv yo’llariga davom etadi.  
III  juft  -  Ko’zni  harakatlantiruvchi  nerv  -  uning  yadrolari  Silviy 
kanalining tubida yetadi. Miya oyoqchalaridan chiqib, g’ovakaro kavakning yon 
devoridan  o’tadi.  Ko’z  soqqasiga  kirishdan  oldin  nerv  ustki  harakatlantiruvchi 
shoxga va pastki aralash shoxga bo’linadi. Ustki shox ustki qovoqni ko’taruvchi 
muskullar va ustki to’g’ri muskullarga boradi. Pastki aralash shoxdan vegetativ 
parasimpatik tolalar kiprik tanasiga boradi va u yerdan kiprik muskul bilan ko’z 

---

 
136 
korachig’ini  toraytiruvchi  muskullarga  boradi.  Bundan  tashqari  pastki  shox 
pastki qiyshiq muskul, pastki va ichki to’g’ri muskullarga boradi. 
IV  juft  -  G’altak  nerv  -  harakatlantiruvchi  va  eng  ingichka  nerv.  Miya 
chodirining  orqa  tomonidan  chiqib,  miya  oyoqchasini  aylanib  o’tadi,  so’ng 
g’ovakaro  kavakning  yon  devoridan  o’tib,  ko’z  kosasining  yuqorigi  yorig’idan 
ko’z kosasi ichiga kiradi. G’altak nerv ko’z soqqasining usti qiyshiq muskuliga 
boradi. 
V  -  juft  -  Uchlamchi  nerv  bosh  miya  nervlari  ichida  eng  yirigi  bo’lib, 
aralashgan  nerv  hisoblanadi.  Ko’prikdan  chiqishda  ikkita  ildizcha  hosil  qiladi: 
katta ildizchasi - sezuvchi, kichik shoxchasi harakatlantiruvchi bo’ladi. Sezuvchi 
ildizcha  yirik  uchlamchi  tugunni  hosil  qiladi.  Uchlamchi  tugun  sezuvchi 
neyronlardan  tashkil  topib,  uning  tubida  harakatlantiruvchi  tugun  yotadi. 
Uchlamchi tugundan  uchta nerv  chiqadi: ko’z nervi, ustki  jag’  nervi, ostki  jag’ 
nervi.