Мамадалиева Сайёра

Tadqiqotning maqsadi: maktabgacha katta yoshdagi bolalarda milliy an`analar, umuinsoniy qadriyatlar va oila faoliyatini birlashtirish hamda integratsiyalashni ta`minlovchi ma`naviy-axloqiy sifatlarni shakllantirishning metodik shart-sharoitlarini aniqlash va amaliyotga tatbiq etish.
Tadqiqot vazifalari:
1. Oilada maktabgacha katta yoshdagi bolalarni milliy an`analar va umuinsoniy qadriyatlarga jalb etish, bolani ma`naviy-axloqiy sifatlarini shakllantirish mazmunini yoritib berish.
2. Oilada maktabgacha katta yoshdagi bolalarda shakllantirishi lozim bo’lgan ma`naviy-axloqiy sifatlar tizimini aniqlashtirish.
3. Oilaning bolaning ma`naviy-axloqiy sifatlarini shakllan-tirishdagi tarbiyaviy ish yo’nalishlari hamda ota-onalarning ma`naviy-estetik sifatlarni shakllantirishga tayyorligining metodik o’ziga xosliklarini aniqlash.
4. Oilada maktabgacha kata yoshdagi bolalarning ma`naviy-estetik sifatlarini shakllantirish uchun ishlab chiqilgan metodik shart-sharoitlarning pedagogik samaradorligini baholash hamda mazkur jarayonni jadallashtirishga xizmat qiluvchi ilmiy-metodik tavsiyalar ishlab chiqish.
Tadqiqot ob`ekti: oilada 5-6 yoshli bolalarning ma`naviy-axloqiy sifatlarini shakllantirish jarayoni.
Tadqiqot predmeti: oilada maktabgacha katta yoshdagi bolalarning ma`naviy-axloqiy sifatlarini shakllantirish mazmuni, shakl, metod va vositalari.
Tadqiqot metodlari: ilmiy-nazariy, psixologik-pedagogik va metodik adabiyotlarni o’rganish hamda tahlil qilish; kuzatish, suhbat, so’rovnoma va testlar o’tkazish; oilaviy tarbiyaning ilg’or tajribalarini o’rganish va umumlashtirish, pedagogik eksperiment; matematik statistika metodlari.
Tadqiqotning metodologik asosiniO’zbekiston Respublikasining “Ta`lim to’g’risida”gi Qonuni, “Kadrlar tayyorlash milliy dasturi”,“Maktabgacha ta`lim Kontseptsiyasi”, “Bolajon” tayanch dasturi,O’zbekistonRespublikasi PrezidentiI.A.Karimovning yuksak ma`naviyatli shaxsni shakllantirish to’g’risidagi fikrlari, Sharq mutafakkirlarining oilada bolalarning ma`naviy-axloqiy sifatlarini shakllantirishga doir qarashlari, tarbiya qonuniyat va tamoyillari, tarbiyaga doir zamonaviy yondashuvlar, sotsiologik, pedagogik va psixologik yo’nalishlarda amalga oshirilgan tadqiqotlarda ilgari surilgan g’oyalar tashkil etadi.