Маъруза №10 Мавзу: Пластмассалар. Резина. Клей ва герметиклар

Термопластик пластмассалар
Термопластик пластмассалар асосида чизиғий ва шахобчали структурали полимерлар ташкил қилади. Асосдан ташқари баъзи ҳолларида улар таркибида пластификаторлар ҳам бўлади. Термопластлар 60 - 70 ⁰ С дан паст ҳароратда ишлайдилар. Бундан юқори харортда уларнинг физика-механикавий хоссалари жуда пасайиб кетади. Баъзи оловга чидамли термопластлар 150 - 200⁰С да ишлайди. Бикр занжирли ва циклик структурали иссиққа турғун термопластлар 400-600⁰ С да ҳам ишлайдилар.
Термопластларнинг пухталиги 10 -100 МПа чегарасидан, эластиклик модули (1,8 - 3,5) 10³ МПа. Узоқ муддатли статик юклама (кучланиш) термопластларда мажбурий-эластиклик деформацияни вужудга келтиради ва пухталиги пасаяди. Деформация тезлиги ортиши билан мажбурий - эластик деформация йўқолади ва бикрлик пайдо бўлади ҳамда мўрт бузилиш - узилиш ҳосил бўлади.
Полимер структурасида кристаллик ташкил этувчиларнинг борлиги уларни мустаҳкам ва бикир қилади. Термопластларга қуйидагилар киради: полиэтилен, полистрол, фторопласт-4 (политетрофторэтилен) ва бошқалар.
Термореактив пластмассалар
Термореактив пластмассалар термореактив смолалар асосида ишлаб чиқарилади. Термореакив смолалар: фенолформалдегид, аминоалгид, эпоксид, полимид, органик кремний тўйинмаган полиэфир. Термореактив пластмассалар юқори пухталикка эга, юқори ҳароратда ҳам ишлайверади. Смола бу ерда боғловчи. Юқори клейлаш қобилияти, оловбардош, кимёвий турғун бўлиши, технологик, киришиш ҳам бўлиши керак.
Смолалар-булар юқори молекуляр органик бирикмалар.
Фенолформалдегидли (бакелитли) смола – бу фенолни (Н₅С₆-ОН) формалдегид (Н₂СО) билан поликонденсация қилиш маҳсулоти.
Поликонденсация шароитига қараб, резонли (термореактив) ёки новолочкали (термопластик) смолалар ҳосил бўлади.
Новолак – бу қаттиқ, мўрт, тиник смола. 100 - 120⁰ С да эрийди; ацетонда, этил спиртида эрийди. Новолак уротропил билан бирга қиздириб қотирилади. Улар пресспорошоклар олиш учун қўлланилади.
Фенолформолдегиднинг уч формаси бор. Унинг “А” ҳолатида (резол) қиздирилганда эрийди ва елимшак-оқувчан ҳолатда бўлади. Спиртда ва органи эритмаларда яхши эрийди.
“В” ҳолатида (резитол) резол 90 - 100⁰С гача қиздириб олинади ва елимшак-эластик ҳолатида бўлади. Резитол органик эритмаларда кучли ишади, лекин эримайди.
“С” ҳолати (резит) 150 - 160⁰С да ҳосил бўлади. Қиздирилганда эримайди, 300⁰С дан юқори ҳароратда кўмирлашади ва механик мустаҳкам коксга айланади. Резит бензинга, ёғга, органик эритувчиларга турғун.
Смоланинг бир ҳолатдан иккинчисига утиши молекуляр қурилишнинг ўзгариши билан боради. Резол структураси-чизигий структура, резитолники юзалари бўйича сеткасимон, резитники-фазовий сеткасимон. “А” дан “С” ўтиш ҳарорат 110-140⁰С дан юқорида ўтади. Ҳарорат кўтарилиши билан тезлашади. 160⁰С дан юқорида А С жараёни 1-3 минутда ўтади.
Реактопластларг қуйидагилар киради: эпоксидли смолалар, кремний органикли смола (силикон), полиэфирли смола, глифтолийли смола (алкидли) ва бошқалар.