Машинасозлик технологияси фанидан маърузалар матни

НАЗОРАТ САВОЛЛАРИ:

1. 
   Ишлаб чиқариш нима ?
   
2. 
   Вақт меъёри нима?
   
3. 
   Вақт меъёри қандай белгиланади?
   

ТАЯНЧ ТУШУНЧАЛАР:

Ишлаб чиқариш, техникавий меъёрлаш, яккалаб ва сериялаб ишлаб чиқариш, вақт меъёри усуллари, иш бажариш меъёри.

4 МАВЗУ: МЕХАНИК ИШЛОВ БЕРИШДА НОАНИҚЛИКЛАР. РДБ

– СТАНОКЛАРИДА ИШЛОВ БЕРИШ АНИҚЛИГИ.


МАҚСАД: Механик ишлов беришдаги хатоликларни аниқлаш ва уни қоплаш чора-тадбирларини ишлаб чиқиш РДБ – станокларида механик ишлов беришнинг узига хослиги ва ноаниқликларни урганиш.

МЕТОДИК ТАЪМИНОТ:

А) Адабиётлар 1) [ 1 ] , 170 – 173 бетлар. 2) [ 5 ] , 203-210 бетлар Б) Плакатлар, схемалар

РЕЖА:

1. 
   Ишлов бериш аниқлигига таъсир этувчи омиллар.
   
2. 
   Механик ишлов беришдаги хатоликлар.
   
3. 
   РДБ станокларида хатоликларни қоплаш.
   

МАВЗУНИНГ БАЁНИ.

РДБ – станокларда ишлов беришнинг аниқлиги станокни ва унинг бошқариш системасини тавсифловчи, шунингдек станокни созлаш хамда ишлатишга доир омилларга боглиқ. Булар қуйидагилардан иборат:

• 
  станокнинг геометрик аниқлиги;
  
• 
  бошқариш системасининг аниқлиги;
  
• 
  загатовкани ўрнатишдаги хатолик;
  
• 
  асбобларни мўлжалдаги ўлчамга мослаб ўрнатишдаги хатолик;
  
• 
  станокни мўлжалдаги ўлчамга мослашдаги хатолик;
  
• 
  асбобни тайёрлашдаги хатолик
  
• 
  кесиш асбоби ўлчамларининг ейилиб ўзгариши;
  
• 
  «Станок – мослама – абоб - деталь» системасининг бикрлиги;
  
• 
  иссиқликдан деформацияланиш;
  
• 
  созловчи уста ва операторнинг ишидаги хатоликлар.
  

РДБ станокларининг геометрик аниқлиги. РДБ станоклар геометрик аниқлиги жихатидан тўрт хил: нормал аниқликдаги – Н; оширилган аниқликдаги – П; юқори аниқликдаги – В ва жуда юкори аниқликдаги – А классларга бўлинади.П, В ва А класс станокларида ишлов берилганда норма аниқликдаги станокларда хосил қилинадиган четлашишлар (белгиланган ўлчамдан четлашишлар) нинг мос холда 0,6 , 0,4 ва 0,25 қисмига тенг четлашишларни таъминлайди.

Одатда станокларнинг аниқлик нормаларини (меъёрларини)
текширишда қуйидагилар аниқланади:

• 
  загатовкалар ва асбоблар ўрнатиладиган база юзалар геометрик шаклларининг ва нисбий холатларининг аниқлиги;
  
• 
  станокнинг загатовка асбоб ўрнатилган иш органларининг бир-бирига ва заминловчи юзаларга нисбатан йуналтиргичлар буйлаб аниқ харакатланиши, траекторияси ва силжиш миқдори;
  
• 
  шпендилнинг айланиш аниқлиги ва унинг айланиш ўқининг аниқ жойлашиши;
  
• 
  наъмунанинг ишлов бериб қурилган юзаларининг аниқлиги ва ғадир –
  

будурлиги.
РДБ – станокларида қўшимча равишда қуйидагилар текширилади:

• 
  иш органларини позицияларига чизиқли силжитиб ўрнатиш аниқлиги;
  
• 
  сезмаслик зонасининг қиймати, яъни харакат йуналишини алмаштиришда иш органларининг кечикиб силжиши;
  
• 
  иш органларининг дастлабки холатига қайтиш аниқлиги;
  
• 
  иш органларининг белгиланган нуқтага ўрнашиш аниқлиги барқарорлиги;
  
• 
  алохида импулсларини бажариш аниқлиги;
  
• 
  доиравий интерполяция режимида дастурни бажариш аниқлиги;
  
• 
  асбоблар автоматик алмаштирилгач, уларнинг барқарор холатда бўлиши.
  

П ва В аниқлик класидаги РДБ станоклар иш органларини позицияларига чизиқли силжитиб ўрнатиш аниқлиги меъёрлари 21.1 – жадвалда ифодаланган.