Масъул муҳаррир: Файзиев Шохруд Фармонович, ю ф. д., доцент
GEOMETRIYA SABAQLIQLARINDA TARIYXIY MIYRASTIÑ ORNI
Download 4.72 Mb. Pdf ko'rish
|
17.Fizika-matematika
|
17
GEOMETRIYA SABAQLIQLARINDA TARIYXIY MIYRASTIÑ ORNI Muratova Gozzal Esbosinovna Qaraqalpaqstan Respublikasi Taxtakópir rayonı 13-sanlı mekteptiń matematika pàni muģallimi Telefon nomeri +998937185408 Annotatciya: Bul maqalada geometrya sabaqlıqlarında tariyxıy miyrastıń ahmiyetli ornı, olardı sabaq barısında hám sabaqtan tısqarı waqıtlarında qollay alıw haqqında sóz etiledi. Gilt sóz: Geometriya sabaqlıģı, tariyxıy materiallar, geometriya tariyxı. Respublikamızdıń keleshegin qurıwshı jas awladlarģa hàzirgi zaman iliminiń jańalıqların, onıń quramalı sırların ùyretiw menen bir qatarda ótmishten miyraslarımızdı ùyreniwge imkaniyat tuwdırılıwı lazım. Ullı babalarımız bolģan Al-Xorezmiy, Abu Nasır Farabiy, Ahmad al-Farģoniy, Abu Ali ibn Sino, Abu Rayxan Beruniy, Giyosiddin al-Koshiy, Omar Xayyom, Nasriddin at-Tusiy, Mırza Uluģbek hàm hàzirgi zaman belgili ilimpaz matematiklerimizdiń geometriya ilimine qosqan ùlesleri haqqında tùsinikler beriw maqsetke muwapıq boladı. Geometriya sabaqlıqlarında tariyxıy maģlıwmatlardan paydalanıw matematika sabaqların qızıqlı etedi, oqıwshılardıń ùyrenip atırģan materiallarģa qızıģıwshılıģın arttıradı, bilimlerin bekkem iyelewge jàrdem beredi. Tariyxıy maģlıwmatlardan paydalanıwdıń eki tiykarģı usılı bar: tariyxıy materiallardan sabaq barısında paydalanıw hàm olardı sabaqtan tıs jumıslardı shólkemlestiriwde paydalanıw. Geometriyalıq faktlerdi hàzirgi zaman faktleri menen salıstırıw yamasa tariyxıy màseleler sheshiw matematikanıń hàr bir sabaģında tuwra kele bermeydi, biraq sabaq barısında tariyxıy faktlerden tez-tez paydalanıp turıwģa tuwra keledi. Biraq bulardıń hàmmesi oqıwshılardı ùyrenilip atırģan temadan shalģıtpawı kerek. Tariyxıy maģlıwmatlardan sabaqtıń basında yamasa sabaqtıń aqırında paydalanģan maqul. Eger oqıtıwshı óz klasına isense, onda sabaq barısında da paydalansa boladı. Oqıwshılardan barlıq aytılģan tariyxıy faktlerdi yadta saqlawdı talap etiw shàrt emes. Sabaqta olar mashqala yamasa màseleniń qısqasha tariyxı menen tanısıwı, bazı bir jańalıq ashılģan dàwirdi este uslawı jańalıq kirgizgen matematiktiń atın hàm familiyasın esitiwi, eger bar bolsa portretin kóriwi jetkilikli. Bul aytılģanlardıń hàmmesi bolmasa da, bir bólegi olardıń esinde qaladı hàm oqıtıwshı sabaqtıń bir qansha qızıqlı bolıwına erisedi. Download 4.72 Mb. Do'stlaringiz bilan baham: 
|