Ҳажмий бирхиллаштириш бинолар конструкциялари ва деталларини, туркумлари сонини қисқартириш. Ишлаб чиқариш бинолари йиғма темирбетонли каркасдан тайёрланиб, осма ёки юк кўтариши 50 т бўлган кўприк кранлар билан жиҳозланди. Бу тармоқларда биноларнинг лойиҳаларини ишлаб чиқиш бирхиллаштирилган туркумли бўлимлар (БТБ) ёки бирхиллаштирилган оралиқлар (БО) асосида амалга оширилди. Бирхиллаштирилган туркумли бўлимлар (БТБ) ва оралиқлар (БО) ўзаро бирлаштирилса, технологик шароитларга жавоб берувчи ўлчамлардаги (оралиқ, қадам, баландликдаги) саноат биносининг ҳажм - режавий ва конструктив ечими ҳосил бўлади. БТБ нинг ўлчамлари 144х72м бўлади. Қўшимча равишда 72х72 м, 30х72м ўлчами бўлган бўлим ёки оралиқлар юқорида кўрсатилган ўлчамдаги бўлимга бирлаштирилиши ва шу асосда бинонинг ҳажм-режавий ечими ишлаб чиқилиши мумкин бўлади. Техник-иқтисодий жиҳатдан асосланганда бу ўлчамлардан четга ҳам чиқиш мумкин. -
- БТБ ва БО ларнинг камчиликлари жумласига ишлаб чиқариш бинолари юзаси ва ҳажмини талаб этилгандагидан ошиб кетишини келтириш мумкин.
- Шуни таъкидлаш лозимки, юқорида кўриб чиқилган масалалар фақат биноларнинг ва конструкцияларнинг ўлчамларини мослаштириш йўли билан ягона модул тизими асосида (йириклаштирилган модулларни қўллаган ҳолда) амалга оширилиши мумкин.
- Конструктив ечимни соддалаштириш мақсадида бир қаватли саноат биносини асосан бир йўналишдаги оралиқ, бир хил кенглик ва баландликда лойиҳалашади. Бу тартиблардан фақат технологик жараён талаб этган ҳоллардагина чиқилади. Кўп оралиқли биноларда баландликлар фарқи 1,2 м дан кичик бўлганда бинолар ҳар хил баландликда лойиҳаланмайди. Баландликлар фарқи 1,2 м ва ундан ортиқ бўлишлиги талаб этилганда, бу фарқ ҳисобга олинади ва ҳарорат бўлими чегарасида амалга оширилади.
- Каркаснинг устунлари қадами 6 ёки 12 м деб қабул қилинади. Хона баландлиги ва устунлар кран рафақи устки белгиси нафақат бино оралиқларига, балки краннинг юк кўтариш миқдори ва устунлар қадамига ҳам боғлиқ (жадвал).
-
Do'stlaringiz bilan baham: |
