Katoliklik Rim papasini Iysoning erdagi noibi, u din va axloq ishlarida mutlaqo gunohsiz, uning hokimiyati jahon soborlari hokimiyatidan yuqori turadi deb hisoblaydi.
Katoliylik xristian dinining asosiy aqida va marosimlarini e’tirof etadi. Bundan tashqari katoliylik jannat va do’zax bilan birga oxirzamondagi hisob-kitob-mahsharni bor deb biladi, Muqaddas ruh faqatgina Ota-xudodan emas, balki O’g’il-xudodan ham kelib chiqqan deb e’tirof etadi. Ruhoniylarga uylanish-nikohni ta’qiqlaydi. Bibi Maryamni benihoya hurmatlash, uning ilohiy homiladorligini e’tirof etish, unga sig’inish, Iysoning osmonga ko’tarilib ketishi aqidasini tan olish, e’tiqod timsoliga poklanish makoni-a’rof aqidasini qo’shish bu yo’nalishning xususiyatlaridan biridir.
Katoliylikda marosimlarni tantanali tarzda o’tkazish, shuningdek devonalarni keng izzat-hurmat qilish qabul qilingan. Katoliylik siyosatdan yuqori turuvchi uchunchi kuch deb ta’riflanadi. Katoliylikning prostetantizmdan farqi shundaki, u faqat muqaddas kitob-Bibliyanigina emas balki «Muqaddas rivoyat»ni ham diniy ta’limotning manbai deb hisoblaydi. Bundan tashqari «Muqaddas rivoyat»ga katolik cherkovlari, jahon soborlarining qarorlari va Papaning fikrlari ham qo’shilgan.
Do'stlaringiz bilan baham: |