Mavzu: Fanga kirish

1-mavzu. “Global iqtisodiyot” faning maqsadi, vazifalari va hozirgi kunda uni rivojlanish tendensiyalari

Mavzu rejasi:

• “Global iqtisodiyot” fanining predmeti, maqsadi va vazifalari
• Jahon iqtisodiyoti globallashuvining kelib chiqish sabablari va shart-sharoitlari
• Globallashuv tushunchasining mohiyati va rivojlanish evoluytsiyasi
• Jahon iqtisodiyoti globallashuvining namoyon bo’lish shakllari va globallashuv jarayoniga ta’sir etuvchi omillar
• Jahon iqtisodiyoti rivojlanishining ko’rsatkichlari va ustuvor yonalishlari

Kirish:

Hozirgi davrda jahon iqtisodiyotida ikki tendensiya amal qilmoqda. Bir tomondan, mamlakatlar o‘rtasidagi iqtisodiy aloqalarning rivojlanishi, xalqaro savdoning erkinlashuvi, kommunikatsiya va axborot zamonaviy tizimi, texnik jihatdan jahon andozalari va me’- yorlarining yaratilishi natijasida jahon xo‘jaligining yaxlitligi, uning globallashuvi kuchaymoqda. Ayniqsa, bu jarayon transmilliy korpo- ratsiyalarning faoliyatlari orqali aniq namoyon bo‘lmoqda. Boshqa tomondan, mintaqaviy darajada mamlakatlarning iqtisodiy jihatdan yaqinlashuvi va o‘zaro aloqadorligi ro‘y berib, jahon xo‘jaligining nisbatan mustaqil markazlarini tashkil etish yo‘nalishida rivojla- nayotgan yirik mintaqaviy integratsion tuzilmalar shakllanmoqda.

1. “Global iqtisodiyot” fanining predmeti, maqsadi va vazifalari

• Mamlakatimizda ishlab chiqilgan bozor iqtisodiyotiga o’tishning o’ziga xos yo’li konsepsiyasiga amal qilib iqtisodiyotda tub institutsional va tarkibiy o’zgarishlar amalga oshirilmoqda, ishlab chiqarishni qayta tashkil etish va davlat tasarrufidagi korxonani xususiylashtirish asosida mulkchilik munosabatlari qayta ko’rilmoqda, yangi bozor mexanizmlari va bozor infratuzilmasi shakllantirilmoqda/ shu bilan birga respublikaning XXI asrga qadam qo’yishi milliy tizimlarga yuksak talablar qo’yuvchi iqtisodiy integratsiya asosida globallashuvning jahon tendensiyalari kuchaygan bir sharoitda to’g’ri keldi.