Mavzu: Jahon iqtisodiy – ijtimoiy geografiyasining maqsad va vazifalari Darsning maqsadi

Mavzuni mustahkamlash:

Quyidagi guruhlarga kiruvchi orollarni yozing

1. Melaneziya

2. Polineziya

3. Mikroneziya

O’quvchilarni baholash.
Faol ishtirok etgan o’quvchilar baholanadi. Baholar jurnal va kundalik daftarlarga qo’yiladi.


Uyga vazifa: 58 - § 175 bet mavzuni o’qib kelish, mavzu yuzasidan savollarga javob topish. Mavzu yuzasidan test tuzish (5 ta)
Yangi mavzuga tayyorlanish.

Sana__________ Sinf: 9

Mavzu: Avstraliya va Okeaniyaning xo’jaligi
Darsning maqsadi:
a) O’quvchilarga Avstraliya va Okeaniyaning xo’jaligi haqida nazariy bilimlar berish
b) O’quvchilarga iqtisodiy tarbiya berishda hamkorlik qilish, mehnatsevarlikka o’rgatish
v) O’quvchilarning mustaqil ishlash ko’nikmalarini oshirish, tasavvurlarini kengaytirish


Dars turi:aralash
Dars metodi: savol - javob
Darsda foydalaniladigan jihozlar: dunyoning siyosiy xaritasi


Darsning borishi

1. 
   Tashkiliy qism
   

O’quvchilar bilan salomlashish, davomatni aniqlash
Kun yangiliklari
Uyga vazifani so’rash
O’tilgan mavzusi so’rash:
1. Okeaniya necha qismldan iborat?
2. Avstraliya aholisi qanday joylashgan?
3. Melaneziyada qaysi orollar joylashgan?
4. Avstraliya qanday tabiiy resurslarga boy?


Yangi mavzu bayoni:

Avstraliya Ittifoqi va Yangi Zelandiya dunyoning eng rivojlangan mamlakatlari qatoriga kiradi. Fiji, Marshall orollari va Mikroneziyada iqtisodiyot nisbatan rivojlangan, qolgan mamlakatlar va orollar qoloq xo'jalik tizimiga ega.

Avstraliyada mahalliy mineral resurslar va qishloq xo'jaligi xomashyosiga asoslangan sanoat tarmoqlari: tog'-kon, metallurgiya, mashinasozlik, yengil va oziq-ovqat sanoati yuqori darajada rivojlangan.
Mamlakat yirik issiqlik va gidravlik elektrostansiyalariga ega.
Avstraliyada qorametallurgiya Port-Kembla, Nyukasl, Uandovi shaharlarida, rangli metallurgiya Maunt-Ayza, Klonkarri, Gladston, Kalgurli-Boulder, Port-Piri, Kanberra, Xobart, Risdon, Bell-Bey shaharlarida rivojlangan. Yirik, katta hamda o'rta shaharlarining barchasida mashinasozlik va metallni qayta ishlash sanoati korxonalari mavjud. Mamlakatda neftni qayta ishlash va neft-kimyo sanoati tez sur'atlar bilan rivojlanmoqda. Ushbu tarmoq markazlari bo'lib Melburn, Sidney, Nyukasl, Brisben, Pert, Adelaida va boshqa shaharlar hisoblanadi. Avstraliyada yog'ochni qayta ishlash va sellyuloza-qog'oz sanoati yaxshi rivojlangan. Mamlakatda 2,0 mln. t ga yaqin qog'oz. ishlab chiqariladi. Mazkur tarmoqning yirik korxonalari mamlakatning Janubi-sharqidagi ko'pchilik shaharlarda joylashgan. Avstraliyada 5 — 6 mln. t sement va katta miqdorda boshqa qurilish materiallari ishlab chiqariladi. Qurilish materiallari sanoati mamlakatning barcha regionlari va shaharlarida mav­jud.
Avstraliyada yengil sanoat, ayniqsa, uning to'qimachilik, teri-poyabzal tarmoqlari yaxshi rivojlangan. To'qimachilik korxonalari Sidney, Melburn, Ballarat, Adelaida, Pert, Albani shaharlarida joylashgan.
Mamlakatda oziq-ovqat sanoati tarmoqlari ichida un va omixta yem ishlab chiqarish, qand-shakar, go'sht, sut, baliq-konserva sanoati korxonalari deyarli barcha shaharlarida mavjud.
Qishloq xo'jaligida yaylov chorvachiligi (qo'ychilik) va qoramolchilik yaxshi rivojlangan. Avstraliya yaylovlarining kattaligi va ularda boqilayotgan qo'ylarning soni bo'yicha dunyoda birinchi o'rinni egallaydi. Chorvachilik qishloq xo'jaligining yetakchi tarmog'i hisoblanadi. Mamlakatda dehqonchilik ham yuqori darajada rivojlangan. Shakarqamish, paxta va ayniqsa, donchilik yuqori tovar ahamiyatiga ega. Dehqonchilik va chorvachilik mahsulotlari yengil va oziq-ovqat sanoatining asosiy xomashyosi hisoblanadi.
Okeaniya mamlakatlarining aholisi asosan baliqchilik, qishloq xo'jaligi bilan shug'ullanadi. Ko'pchilik orollar (Fransiya Polineziyasi, Vanuatu, Kiribati, Fiji) dunyoning yirik turizm va sayyohlik markazlariga aylandi.