Mehnat ta’limini o`qitish texnologiyalari va loyihalashtirish kirish

LOYIHA ASOSIDA O`QITISH TEXNOLOGIYaSI
Loyihalashtirish faoliyati bo`yicha quyidagi amaliy ko`nikmalarga ega bo`ladi: muammoni shakllantirish va vazifalarni aniqlash; vazifalarni amalga oshirishdagi usullarni tanlash va ulardan foydalanish; o`z faoliyatini rejalashtirish; ma’lumot manbalarini aniqlash, tizimga keltirish va tahlil etish; natijalarni talab darajasida rasmiylashtirish va kerakli ko`rinishda taqdim etish.
Tinglovchilar loyihani muvaffaqiyatli bajarishlari uchun bilishlari lozim bo`lgan tayanch bilim va ko`nikmalar quyidagilardan iborat:
Quyidagi tayanch bilimlarni bilishi kerak: hisob siyosati borasidagi me’yoriy hujjatlar; hisob siyosati tarkibini tashkil etuvchi har bir bo`limning nazariy asoslari; korxona faoliyatiga doir o`ziga xos jihatlarni tahlil etish va baholash.
Quyidagi ko`nikmalarga ega bo`lishlari kerak: buxgalteriya hisobi ma’lumotlarini yig`ish, qayta ishlash va taqdim etish; hisob siyosatida aks ettiriluvchi ma’lumotlarni tahlil etish; guruhda faoliyat yuritish, hamkorlikda o`qish tartib va qoidalari.
Turlanish belgilari bo`yicha loyihaga tavsif: turi amaliy; predmet va mazmun jihatdan ko`lami bir fan bo`yicha foydalaniluvchi monoloyiha; talabalar o`quv loyiha faoliyatlarini muvofiqlashtirish xarakteri bevosita; ishtirokchilar soni guruh talabalari 3 ta ishchi guruhga bo`linib, har bir ishchi guruhda 5 tadan 8 tagacha ishtirokchi bo`lishi mumkin (talabalar ko`proq bo`lsa, loyiha yo`nalishlarini ko`paytirish mumkin); bajarish muddatiuzoq muddatli – o`quv semestri yakunigacha; semestr davomida hisob siyosatini tashkil etuvchi har bo`lim tayyorligi darajasida taqdimot etib boriladi.
Loyihani bajarish tartibi: talabalarning auditoriyadan tashqari mustaqil faoliyatlarida bajariladi, amaliy mashg`ulotda taqdim etib boriladi. Loyiha mahsuli semestr oxirida, talabalar va pedagog o`rtasida belgilangan kunda amalga oshiriladi.
Loyihaning baholanishi –ishchiguruhlar tomonidan bajarilgan loyiha quyidagicha baholanadi (guruhning har bir a’zosi uchun): talabalar tomonidan bajarilgan loyihaning alohida qismlari (maks. ball – 5); hisobot (maks. ball – 5); loyiha taqdimoti va himoya etish jarayoni (maks. ball – 10).