Microsoft Word islom karimov asarlar 19-jild ziyouz com doc
Shuni alohida ta’kidlash kerakki, armiyaning qudrati faqatgina
Download 2.84 Kb. Pdf ko'rish
|
19tom2011yilpdf
|
Shuni alohida ta’kidlash kerakki, armiyaning qudrati faqatgina
uning jangovar tayyorgarligi, harakatchanligi, eng yangi qurol- yarog‘lar bilan ta’minlangani bilan emas, balki Qurolli Kuchlarimiz saflari professional tayyorgarlikka ega bo‘lgan shaxsiy tarkib bilan qay darajada to‘ldirilgani, ofitser, serjant va askarlarning ma’naviy, axloqiy-ruhiy fazilatlari, ularning faol hayotiy pozitsiyasi va qat’iy e’tiqodi, ona Vatan taqdiri uchun mas’uliyat hissining naqadar yuksak ekani bilan belgilanadi. Bu maqsadlarga erishish uchun eng zamonaviy pedagogik, axborot- kommunikatsiya texnologiyalaridan, jumladan, yetakchi jamoat tashkilotlari, olimlar, mutaxassislar, madaniyat va san’at namoyandalarining kuch va imkoniyatlaridan keng foydalanish lozim. Shu bilan birga, harbiy xizmatchilarni uy-joy bilan ta’minlash, harbiy xizmatchilar va ularning oila a’zolari ehtiyojlariga javob beradigan zamonaviy harbiy shaharchalar barpo etish, harbiy okruglar miqyosida integratsiyalashgan qo‘shinlarorti ta’minotini yo‘lga qo‘yish, ijtimoiy, uy- joy, maishiy, tibbiy ta’minot tizimlarini yaratish yuzasidan qabul qilingan davlat dasturlarini amalga oshirish vazifalari doimiy e’tiborimiz markazida bo‘lishi kerak. Bu vazifalarning o‘ta muhim ahamiyati shundaki, avvalambor bugungi sharoitda faqat puxta tayyorgarlikka ega bo‘lgan, har tomonlama yaxshi ta’minlangan va ijtimoiy himoyalangan Qurolli Kuchlargina xavfsizlik va barqarorlikning, sarhadlarimiz daxlsizligi va mamlakatimiz hududiy yaxlitligining, pirovard natijada el- yurtimizning tinchligi va osoyishtaligining, osuda hayotimizning mustahkam va ishonchli kafolati bo‘la oladi. Aziz vatandoshlar! Mana shu qutlug‘ ayyomda sizlarni O‘zbekiston Respublikasi Qurolli Kuchlari tashkil etilganining 19 yilligi bilan yana bir bor tabriklar ekanman, barcha harbiy xizmatchilarga – askar va serjantlar, ofitser va generallarga – bugungi kunda Qurolli Kuchlarimiz saflarida mas’uliyatli xizmat vazifasini o‘tayotgan yurtimizning mard va jasur o‘g‘lonlariga, Vatanimizni himoya qilishdek olijanob burchini munosib ado etayotgan barcha insonlarga samimiy minnatdorlik so‘zlarini izhor etishdan baxtiyorman. Barchangizga yangi 2011 yilda mustahkam sog‘lik, baxt va omad tilayman! |
