Microsoft Word +++Jinoyat huquqi Umum. Rustambayev 2006. doc

Jinoyat huquqining vazifalari davlatning jinoyatchilikka qarshi 
kurash sohasidagi siyosati orqali amalga oshiriladi. Uning asosiy 
mazmuni jinoyat qonunining amalda qo‘llanilishi taktikasi va 
strategiyasini belgilash hamda jinoyatchilikning oldindani olishning 
ijtimoiy-huquqiy choralarini ishlab chiqish va amalda qo‘llanishida 
ifodalanadi. Jinoyatchilikka qarshi kurash sohasidagi siyosatning asosiy 
qoidasi jinoyat uchun javobgarlikning mukarrarligini amalga oshirishidan 
1
Kurs ugolovnogo prava". Obshaya chast. Tom 1: Ucheniye o prestuplenii. Uchebnik dlya vuzov. Pod. red. 
dok. yurid. nauk. prof. N.F. Kuznetsovoy i kond. yurid. nauk. dotsenta I.M. Tyajkovoy.- М: Izd. Zersalo, 
1999. - S. 16 

---

17 
iboratdir. Bunday siyosat qonun talablariga to‘la va so‘zsiz rioya qilish, 
barcha fuqarolarning qonun oldida tengligi prinsipiga asoslangan holda 
amalga oshirilishi kerak. 
Xozirgi davrda O‘zbekiston Respublikasining jinoyatchilikka 
qarshi kurash sohasidagi siyosati: 
birinchidan, o‘ta og‘ir jinoyatlarga qarshi kurash ishini muttasil 
ravishda olib borish va og‘ir jinoiy tajovuz sodir qilgan, jinoyat huquqiy 
taqiqlarni bir necha marotaba buzgan, retsidiv jinoyat sodir etgan 
shaxslarga hamda uyushgan guruh va jinoiy uyushma raxbarlari, ularning 
faol ishtirokchilariga nisbatan kattik jazo choralarini qo‘llash; 
ikkinchidan, ijtimoiy xavfi katta bo‘lmagan jinoyatlar uchun jinoiy 
repressiya choralarini kamaytirish, og‘ir bo‘lmagan jinoyatni birinchi 
marta sodir qilgan shaxslarga nisbatan, qilmishiga chin ko‘ngildan 
pushaymon bo‘lgan shaxslarga yoxud qilmish yoki shaxs ijtimoiy 
xavfligini yo‘qotganligi munosabati bilan shaxslarga nisbatan jamiyatdan 
ajratish bilan bog‘liq bo‘lmagan jazo choralarini qo‘llash, shartli hukm 
qilish, jazoni o‘tash muddatidan ilgari shartli ravishda ozod qilish yoki 
jazoni yengilrogi bilan almashtirish kabi choralarini qo‘llash 
tendensiyalariga asoslanadi. Shuningdek,, jinoyat qonunida jinoyat sodir 
qilgan voyaga yetmaganlarga nisbatan ancha yengil jazo choralarini 
qo‘llash nazarda tutilgan.