Microsoft Word Кобилов. Иктисод назарияси. Дарслик лот doc

Mavzuni chuqur o‘rganish instrumentariysi 
Mutlaq qashshoqlik – shaxs yoki uy xo‘jaligining real daromadning 
yashash uchun zarur bo‘lgan eng kam mablag‘ hajmiga mos keladigan holati. 
Detsil koeffitsiyent – xonadon xo‘jaliklarining eng ko‘p daromadli 10
foizning o‘rtacha daromadi bilan eng kam ta’minlangan 10 foizning o‘rtacha 
daromadi o‘rtasidagi nisbatni ifodalovchi koeffitsiyent. 
Daromadni qayta taqsimlashda davlatning ishtirok etish indeksi –
daromadlarni qayta taqsimlashga davlat aralashuvining darajasini ifodalovchi 
ko‘rsatkich. 

---

 552
Daromadlarning konsentratsiyasi indeksi – jamiyatning daromadlar 
bo‘yicha qutblashuv darajasini ko‘rsatuvchi indeks. 
Nominal daromad – tovar va xizmatlarning joriy yoki nominal baholari 
doirasidagi pul daromadlari darajasi. 
Nisbiy qashshoqlik – uy xo‘jaligining o‘rtacha uy xo‘jaligi daromadiga 
qaraganda ikki marta kam darajadagi real daromadiga mos keluvchi ahvoli. 
Daromadlarni shaxsiy taqsimlash – davlatning daromadlarni uy 
xo‘jaliklari o‘rtasida keyinchalik qayta taqsimlashi yoki shaxslar bo‘yicha 
pirovard taqsimlashi. 
Daromadlarni indekslash – iste’mol buyumlari narxlar indeksining 
oshishiga muvofiq ravishda aholiga to‘lanadigan ish haqi, nafaqa, stipendiya, 
pensiya va boshqa to‘lovlar miqdorining oshirilishi. 
Daromadlarni muzlatish – aholi pul daromadlarining o‘sishini 
sekinlashtirish yoki to‘xtatib qo‘yishga qaratilgan siyosat hamda 
qo‘llaniladigan chora-tadbirlar tizimi.
Real daromad – narx o‘zgarishini inobatga oluvchi va narxlarni 
qandaydir bazaviy davrga keltirish orqali hisoblanadigan daromad. 
Iqtisodiyot sohasidagi ijtimoiy adolat – muayyan jamiyatda 
shakllangan iqtisodiy munosabatlar tizimining ushbu adolat haqidagi, ya’ni 
iqtisodiy transaksiyalar va xo‘jalik yuritish sohasidagi oqibatlarning to‘g‘riligi, 
halolligi, tartibliligi, ziyoliligi haqidagi tasavvurlarga muvofiqligi.