Microsoft Word navoiy farhod va shirin nazm lotin ziyouz com doc

www.ziyouz.com kutubxonasi 
245
Chu mundoq va’da qildi shohi g‘addor, 
O‘pub yer tebradi Kimrohi makkor. 
Yasab o‘zni takalluf birla mahzun, 
Jununsiz, lek shakli misli majnun. 
Hamul vodida bir gul uzdi xushbo‘, 
Serib bargi aro behushdoru. 
Ravon Farhod sori urdi gomin, 
Yasab devonalar yanglig‘ xiromin. 
Chekib ul nav’ ohi oshiqona, 
Degaysen, urdi o‘t andin zabona. 
Chu Farhod ul surudi dard eshitti, 
Qaroru hushi ketti, sabri itti. 
Boqib chun ko‘rdi qaddin o‘ylakim yoy, 
Degaysen, ko‘rdi devona yangi oy. 
Yetib jonig‘a ko‘ngli iztirobi, 
Urub ko‘nglig‘a o‘t joni xarobi. 
Dedi: «K-ey dard o‘tidin shu’laangez, 
Daming qilg‘on o‘tumning shu’lasin tez. 
Ne holing boru qaysi ko‘ydinsen, 
Bu yanglig‘ telba, ne mahro‘ydin seng‘ 
Manga g‘am tig‘in urdi ishqi bebok, 
Sening ko‘ksung nedin bu nav’ erur chokg‘ 
Manga gardundin o‘ldi zulmu bedod, 
Nedin sen tortasen afg‘onu faryodg‘ 
Manga hajr o‘tin etmish baxt ro‘zi, 
Sanga muncha nedindur hajr so‘zig‘ 
Mening jismim qilib ishq o‘ti nobud, 
Sening ohing nechun zohir qilur dudg‘» 
Chu torti hiylagar bu nav’ bozor, 
Yana izhor aylab ranju ozor. 
Dedi: «K-ey ishq elining rodshohi, 
Bo‘lub bul xayl ayog‘ing xokirohi. 

---

Alisher Navoiy. Farhod va Shirin 
www.ziyouz.com kutubxonasi 
246
Meni mahzun falon iqlimdinmen 
Ki, forig‘ har umidu biymdinmen. 
Meni yuz ranj ila Haqning rizosi, 
Yana garduni gardon iqtizosi. 
Bu kishvar jonibi ovora qildi, 
Birov ishqi bila bechora qildi. 
Ko‘rar erdim gahi ul dilraboni, 
Yiroqtin oshkora, gah nihoni. 
Necha hajrida zoru g‘amkash erdim, 
Yiroqtin ko‘rmaki birla xush erdim. 
Bukun Xusravki Haq bersun jazosin, 
Bu kishvardin yiroq solsun balosin. 
Kelib bu shahr bo‘ldi qal’abandon, 
Kirib qo‘rg‘ong‘a ul gulbargi xandon. 
Meni majnun biyobon ichra qoldim, 
Balovu dardi hijron ichra qoldim. 
Erurmen chun g‘arib, el tonimaslar, 
Manga ham oshnovu yor emaslar. 
Chu borsam qal’a sori zulm etib fosh, 
Boshimg‘a yog‘dururlar o‘q bilan tosh. 
Eshik ochilmadi chun ul talabdin, 
Yaqin erdiki o‘lgaymen taabdin. 
Chu dardim sa’bu hamdardim yo‘q erdi, 
Juz ohi dardrarvardim yo‘q erdi. 
Senikim ishq dashti rahravisen, 
Mazallat kishvarining xusravisen. 
Eshittim bu qayo uzra vatangoh, 
Tutubsen ul sifatkim taxt uza shoh. 
Kelibmenkim sanga holim degaymen, 
Ulus fahm etmas ahvolim degaymen. 
Chekib ishq ilgidin har lahza faryod, 
Degaymen hajr elidin har nafas dod! 

---

Alisher Navoiy. Farhod va Shirin