Microsoft Word navoiy farhod va shirin nazm lotin ziyouz com doc

www.ziyouz.com kutubxonasi 
221
Yoyildi elga chun bu amri matbu’, 
Magar Xusravga dog‘i bo‘ldi masmu’
8
. 
Ul oy avsofini ahli zamondin, 
Eshitur erdi bal yaxshi-yamondin. 
Harorat ko‘ngliga solmish edi jo‘sh, 
Taraddud jonin etmish erdi madhush. 
Xayolida kecha-kunduz ul erdi, 
Tilida kecha-kunduz so‘z ul erdi. 
Vale mavquf edi munhilarig‘a 
Ki, ne kelgay alar inhilarig‘a
9
. 
Alar ham har tarafdin onglabon hol, 
Kelibon qildilar bilganni irsol. 
Birikim bor edi Armang‘a ozim, 
Bor erdi xalq aytur so‘zg‘a jozim 
Ki, shah mahdig‘a loyiq ul Paridur 
Ki, Arman mulki oning kishvaridur. 
Yana har kimki har yon bormish erdi, 
Yuz urg‘on mulkni axtormish erdi. 
Dedi bori oning ovozasidin. 
Sadoyi husni beandozasidin 
Ki, olam ichra jannat huri uldur, 
Quyosh yanglig‘ jahon mashhuri uldur. 
Eshitgan birla Xusrav moyil erdi, 
Bular kelmak g‘arazg‘a hoyil erdi. 
Chu tush-tushdin bu so‘zlar bo‘ldi raydo, 
Havas bir yo‘li ko‘nglin qildi shaydo. 
Burun qildi muni ko‘ngli aro jazm 
Ki, Arman sori filhol aylagay azm. 
Solib ul gulsiton sori guzarni, 
Kiyurgay qo‘lg‘a sarvi siymbarni
10
. 
Yana qildi taammul saltanatdin 
Ki, shahlig‘dur munofi ul sifatdin. 

---

Alisher Navoiy. Farhod va Shirin 
www.ziyouz.com kutubxonasi 
222
Buzurg Ummid edi yoru nadimi, 
Ulus donosiyu olam hakimi. 
Bilib ravshan samakdin to samo ul, 
Anga har mushkil ishda rahnamo ul. 
Ani xilvatda chorlab ochti rozin, 
Sumanbar ishqidin so‘zu gudozin. 
Chu qildi borcha sirrin oshkora, 
Tavaqqu’ ayladi ul ishga chora. 
Hakim ul nav’ muztar ko‘rgach oni, 
Taammul aylabon mumtad zamoni 
Dedi: «Bok ermas, osondur bu tadbir, 
Mizojing tormayin bu ishda tag‘yir. 
Muayyan aylagil ravshan zamire, 
Risolat shevasida benazire. 
Ichi durri maoni birla rurjo‘sh, 
Sadaf yanglig‘ va lekin og‘zi xomush. 
Sadafdek chunki og‘zin ochqay oxir, 
Hadis o‘rnig‘a gavhar sochqay oxir. 
Anga ham taqvo o‘lsun, ham asolat, 
Mihinbonug‘a yetkursun risolat. 
Saloming birla aylab oni e’zoz, 
Debon vuslat so‘zin qilsun sarafroz. 
Agarchi arzi johu rif’at etkay, 
Vale boshi bu so‘zdin ko‘kka yetkay. 
Eshitmishmenki Bonu kordondur, 
Pari raykar dog‘i bisyordondur. 
Chu savdo torsalar bu nav’ mavjud, 
Ilikdin bermagaylar bu sifat sud. 
Yaqinkim, aylab ul ishdin mubohot, 
Yiborgaylar risolat noqilin bot. 
Javobu muddao torsoq muvofiq, 
Qiloli fikrin oning anga loyiq. 

---

Alisher Navoiy. Farhod va Shirin