Microsoft Word navoiy farhod va shirin nazm lotin ziyouz com doc

www.ziyouz.com kutubxonasi 
273
Kupub beshinchi qo‘rg‘on qahramonin, 
Debon ul tunda holining yamonin. 
Anga deb: «K-ey shioring kinu novard, 
Qilurda qatl tig‘ingdek javonmard. 
Qiliching aylabon qonimg‘a rangin, 
Tiriklikdin yetur jonimg‘a taskin. 
Tanim ul ko‘yning boshig‘a tashla 
Boshimni itlari qoshig‘a tashla. 
Boqib oltinchi ko‘kta Mushtarig‘a. 
Qilib arz ul saodat axtarig‘a
8
. 
Ki: «Yey burji sharaf masnadnishini, 
Saodat taxtu tojining amini. 
Duoe qilki, Haq bersun murodim, 
Bu mehnat shomidin bo‘lsun kushodim. 
Boshimdin hajr shomi dudi ketsun, 
Ko‘zumga vasl subhi nuri yetsun». 
Yettinchi qullag‘a aylab guzora 
Zuhalg‘a der edi aylab nazora 
Ki: «Yey bahri viqoru ko‘hi tamkin, 
Shioru shevang o‘lg‘ay hilmu taskin. 
Vujudung hajr tog‘idek garonsang, 
Ayog‘ing sabr shaxsidek kuhanlang. 
Bu dardim ichra ber sabru sabote 
Ki, yo‘q jonimda hijrondin hayote». 
Yana bir huqqa bo‘lg‘och durrig‘a durj, 
Kezib ul toram ichra burj bar burj. 
Tilab har burj aro mahraykarini, 
Sharaf mehri, saodat axtarini. 
Bo‘lub chun to‘qquzunchi ko‘kka sobit, 
Nazora aylabon xayli savobit. 
Debon har birga dardi holidin roz. 
Firoq ichra qatiq ahvolidin roz. 

---

Alisher Navoiy. Farhod va Shirin 
www.ziyouz.com kutubxonasi 
274
Qilib anjumni ohi dudidin Kim, 
Bu dudu ashkin aylab charxu anjum. 
Debon: «K-ey durri ashkimdin nishon siz, 
Bo‘lung ashkim duri yanglig‘ ravon siz. 
Hazin ko‘nglumki yuz ming rora bo‘lmish, 
Havosida aning ovora bo‘lmish. 
Demonkim, har biri bir rora qondur, 
Guli anduh bargidin nishondur. 
Oling har biringiz bir rorasini, 
Yig‘ib oning tuman ovorasini. 
Azimat ko‘yiga tez aylang oxir, 
Aning boshig‘a gulrez aylang oxir. 
Demon gulbarg soching osmondin 
Ki, yog‘durtung yog‘in ustiga qondin. 
Chu hijroni gunahsiz oldi jonim, 
Aning ko‘yini tutsun bori qonim». 
Bu yanglig‘ to sahar aylab marog‘a
9
, 
Qilib yuz mojaro har mojarog‘a. 
O‘lardin benadomatliqlar aylab, 
O‘zi birla qiyomatliqlar aylab. 
Chu bordi quvvati afg‘on qilurdin, 
O‘zi o‘ziga qasdi jon qilurdin. 
Yana tushti o‘lukdek tark etib hush, 
Azosig‘a bo‘lub olam siyahro‘sh. 
Yaqosin motamida subh etib chok, 
To‘kub anjum durin so‘gida aflok. 
Chu oni g‘am tuni o‘lturdi ne sud, 
Dam urmoq mehridin subh otasholud. 
Bu ermish rasm bermak zoli ofoq, 
Chu masmum o‘ldi, andin so‘ngra taryoq
10
. 
Ketur, soqiy, manga taryoqi joni, 
Demon taryoq, obi zindagoni. 

---

Alisher Navoiy. Farhod va Shirin