Microsoft Word sahih buhari1 ziyouz com doc

60-bob. Qabrlarni sajdagoh qilib olmoqning makruhligi haqida
Hazrat Alining o'g'illari Hasan vafot etganda xotinlari Fotima qabr ustiga chodir qurdilar. 
Chodir bir yilgacha o'sha yerda turdi, so'ng buzib yig'ishtirishdi. Shunda hotifdan: «Ayo, 
yo'qotgan kishilarini topishdimi?»-degan ovoz keldi. Unga ikkinchi bir ovoz: «Aksincha, 
umidsiz bo'lib qaytib ketdilar»,- deb javob qaytardi».
Oisha onamiz rivoyat qiladirlar: «Rasululloh sallallohu alayhi va sallam vafot 
etmaslaridan oldin betob bo'lib yotganlarida: «Olloh taolo yahudiy va nasorolarga la'nat 
yuborsin! Ular sobiq payg'ambarlar qabrlarini sajdagoh qilib oldilar» ,— degan edilar».
Oisha onamiz shu so'zni eslab: «Agar qabrlarni sajdagohga aylantirib olmoq xavfi 
bo'lmaganda erdi, Rasululloh sallallohu alayhi va sallamning qabrlari atrofini ochiq holda

---

Sahihi Buxoriy. 1-jild. Imom Ismoil al-Buxoriy
qoldirishar erdi. Afsuski, Janob Rasulullohning qabrlarini mahkamlashga to'g'ri keldi. 
Lekin, men hali ham Rasululloh sallallohu alayhi va sallam yotgan hujrani masjid qilib 
olmoqlaridan qo'rqg'ayman»,- dedilar.
61-bob. Tug'olmay o'lgan xotinlarga janoza o'qimoq haqida
Sumra raziyallohu anhu rivoyat qiladirlar: «Rasululloh sallallohu alayhi va sallamning 
orqalarida turib (ya'ni, iqtido qilib), tug'olmay vafot etgan xotinga janoza o'qidim. 
Rasululloh sallallohu alayhi va sallam ersa, mayyit belining to'g'risida turib janoza 
o'qidilar».
62-bob. Imom xotin kishining janozasida qaerda turadi-yu erkak kishining 
janozasida qaerda turadi?
Sumra ibn Jundub raziyallohu anhu rivoyat qiladirlar: «Rasululloh sallallohu alayhi va 
sallamning orqalarida turib, tug'olmay o'lgan bir xotinning janozasini o'qidim. Rasululloh 
sallallohu alayhi va sallam ersa, mayyitning beli qarshisida turdilar».
63-bob. Janoza namozida to'rt marta takbir aytmoq
Humayd rivoyat qiladirlar: «Anas raziyallohu anhu bizga imomlik qilib janoza namozi 
o'qidilar. Shunda ul kishiga: «Uch marta takbir aytdingiz»,-deyishdi. Anas yana bir 
marta takbir aytib, so'ng salom berdilar».
Abu Hurayra raziyallohu anhu rivoyat qiladirlar: «Rasululloh sallallohu alayhi va sallam 
Najoshiy vafot etgan kuniyoq bu haqda xabar berdilar. So'ng, sahobai kiromlar bilan 
namozgohga chiqdilar. Ularni saflab, to'rt marta takbir aytib, Najoshiyga janoza namozi 
o'qidilar».
Jobir raziyallohu anhu rivoyat qiladirlar: «Rasululloh sallallohu alayhi va sallam 
Habashiston podshohi Najoshiyga to'rt marta takbir aytib, janoza namozi o'qidilar».