Microsoft Word sahih muslim1 ziyouz com doc

87-bob Rasululloh sollallohu alayhi vasallamning ummatlari uchun duo qilib, 
ularga mehribonlik bilan yig‘lashlari haqida 
390/1. Abdulloh ibn Amr ibn Oss roziyallohu anhudan rivoyat qilinadi. Rasululloh 
sollallohu alayhi vasallam Ibrohim alayhissalom haqlaridagi Allohning: «Parvardigorim, u 
butlar ko‘pdan-ko‘p odamlarni yo‘ldan ozdirdilar. Bas, kim menga ergashsa, o‘sha 
mendandir» oyati va Iso alayhissalom haqlaridagi: «Agar ularni azoblasang, ular Sening 
ojiz bandalaring. Agar ularni mag‘firat qilsang, albatta Sen Uzing qudrat, hikmat 
egasidirsan» oyatlarini tilovat qilib qo‘llarini ko‘tardilar-da, «Allohim ummatim, 
ummatim», deb yig‘ladilar. Alloh taolo: «Ey Jabroil! Muhammad alayhissalom 
huzurlariga boring. Rabbingiz u kishining hollarini biluvchi bo‘lsa ham, so‘rang-chi, u 
zotni nima yig‘latmoqda ekan?» deganida, Jabroil alayhissalom borib so‘raganlarida, 
Rasululloh sollallohu alayhi vasallam Alloh bilgan narsaning xabarini berdilar. Shunda 

---

Sahihi Muslim (birinchi kitob). Imom Muslim 
www.ziyouz.com kutubxonasi 
96
Alloh: «Ey Jabroil, Muhammad oldilariga borib: «Biz ummatingiz haqidagi narsada rozi 
etamiz, xafa qilib qo‘ymaymiz», deb ayting», dedi. 
 
88-bob Kim kufr holatida vafot etsa, shafoatga erishmasligi va 
karindoshlarining karindoshligi foyda bermasligi haqida 
391/1. Anas roziyallohu anhudan rivoyat qilinadi. Bir kishi: «Ey Allohning rasuli! Mening 
otam qaerdalar?» degan edi, Rasululloh sollallohu alayhi vasallam: «Do‘zaxdadir», 
dedilar. U orqasiga o‘girilib ketayotgan edi, Rasululloh sollallohu alayhi vasallam uni 
chaqirib: «Mening otam va sening otang do‘zaxdadir», dedilar. 
(Izoh: Rasululloh sollallohu alayhi vasallamning bu so‘zlari, ya’ni otalarini sherik qilishlari 
tasalli berish uchun edi).