Milliy arxeologiya markazi raxmon ibragimov arxeologiya

Baqtriya. Baqtriya dastlab ahamoniylar, keyin yunonlar tarkibiga 
kirgan satraplikni tashkil etgan. Mil. avv. III asrning o‘rtalarida 
yunon zodogoni Diodot selevkiylardan mustaqil bo‘lgan Yunon- 
Baqtriya davlatiga asos soladi. Bu davrda (Yevtidem, Demeriy, 
Yevkratid) mamlakatning hududi Hindistonning shimoli-g‘arbiga 
qadar kengayadi. Ayrim ilmiy farazlarga ko‘ra So‘g‘d hududi Baqtriya 
tarkibda bo‘lgan. Bu davrda mamlakat makazlashgan monarxiyaga 
aylanadi. Mil. avv. II asrning o‘rtalarida (Mitridat I davrida) g‘arbda 
Parfiyaning qudrati kuchayib, Marg‘iyona bosib olingan. So‘g‘d ham 
taxminan mana shu davrlarda ajralib chiqgan bo‘lsa kerak. Qo‘shni 
davlatlar bilan olib borilgan tinimsiz urushlar mamlakat harbiy 
qudratining susayishiga olib kelgan. Kuchsizlanib qolgan Yunon- 
Baqtriya davlati mil. avv. 140/130-yillarda sak-yuechji qabilasining 
hujumi natijasida batamom inqirozga uchraydi. Mil. avv. I asrning 
oxirida besh guruhdan iborat da-yueji qabilasi (da – katta, buyuk) 
ittifoqi o‘rnida Kushon podsholigi qaror topadi. Kanishka hukmronligi 
davrida mamlakat hududi Hindistonning shimoliga qadar kengayib, 
o‘z qudratining yuqori cho‘qqisiga chiqadi. Kanishkadan keyingi 
hukmdorlar davrida mamlakat qudrati susayib ketadi. Bu vaziyatdan 
foydalangan Eron sosoniylari Baqtriya yerlarini bosib olib, III asrning 
ikkinchi choragida davlat boshqaruvi forslar hukmronligiga o‘tgan. 
Baqtriyaning antik davriga oid yodgorliklarning bir necha 
turi ajralib turadi. Ular maydoni jihatdan katta-kichik shaharlar, 

---

165 
dehqonchilik qishloqlari, alohida joylashgan saroylar va diniy 
inshoot – ibodatxonalardir. 
Baqtriyaning antik davri shaharlarini tadrijiy jihatan bir necha 
guruhga bo‘lish mukin. Birinchi guruh shaharlari mil. avv. I ming 
yillikning o‘rtalarida shakllanib, ellinlar davrida ham faoliyat 
yuritgan (Talashkontepa II, Jondavlattepa, Hayitobodtepa, Qal’ayi 
Mir). Ikkinchi guruh shaharlar Yunon-Baqtriya davrida shakllangan 
(Eski Termiz, Dalvarzintepa, Kampirtepa-Kofirqal’a, Keykabodshoh, 
Saksanoxur), uchinchi guruh shaharlar Kushonlar davrida (Zartepa, 
Budrach, Garovqal’a, Shaxtepa) vujudga kelib, faoliyat yuritgan. 
Antik davri yunon manbalarida Baqtr, Tarmita, Pardagva, 
Braxmanlar shahri to‘g‘risida ma’lumotlar saqlangan. Xitoy manbalarida 
esa o‘lkaning Tami va Xodzo shaharlar tilga olingan. Tarmita (Tami) 
Ko‘hna Termiz yodgorligi o‘rnida faoliyat yuritgan. Sh.Pidayevning 
fikriga ko‘ra Ko‘hna Termiz o‘rnida faoliyat yuritgan qadimgi manzilgoh 
ahamoniylar davrida shakllangan. Bu davrga oid shahar alomatlari 
(mudofaa devori, saroy yoki ibodatxona) hozircha aniqlanmagan. Bu 
davrda dastlabki aholi manzili vujudga kelib, Yunon-Baqtriya davrida 
o‘lkaning yirik shahar markaziga aylanadi. Antik davri davomida shahar 
har tomonlama rivojlanib, maydoni kengaygan. 
Sho‘rchi tumani hududida joylashgan Dalvarzintepa Shimoliy 
Baqtriyaning antik davriga oid yirik manzilgohi. Dalvarzintepa 
aylana shaklli ark (3,2 ga), to‘g‘ri to‘rtburchak shahriston (maydoni 
32,5 ga) va shahar atrofi qismlaridan tashkil topgan. 
Dalvarzintepa manzilgoh mil. avv. III asrning o’rtalarida shakllangan. 
Yunon-Baqtriya podsholigi davrida manzilgohning dastlabki shakllangan 
joyida mudofaa devori bilan muhofaza qilingan ark paydo bo‘ladi. 
Kushon davlati hukmdorlari I–III asrlarda shahar arkining mudofaasiga 
e’tiborni kuchaytirib, ikki qator devor bilan mustahkamlaydi. 
Kushonlar davrida shahriston qismi ham alohida mudofaa devori 
bilan o‘rab olinadi. Shahristonning barcha joyi o‘zlashtirilib, shahar 
atrofi qismi ham paydo bo‘ladi. Shahristonda aholi yashaydigan 
mahallalar, xususan, kulollar mahallasi, ishlab chiqarish inshootlari, 
buddaviylik dini ibodatxonasi o‘rganilgan. 

---

166 
Shahristonda aholining turli tabaqa vakillariga tegishli uy-joy 
imoratlar o‘rganilgan. Ular oddiy shaharlikning sodda uyidan tortib, 
davlatmand va zodagon tabaqasi vakillarining mahobatli va shinam 
uy-joylarni tashkil qilgan. Mahobatli uylarning ichki devori boy rang- 
tasvir va o‘yma ganchli naqshlar bilan bezatilgan. 
Dalvarzintepa manzilgohi xitoy manbalarda qayd etilgan 
Xodzo shahri bilan qiyoslanadi. Mutaxassislar Kushon davlatining 
davlatining birinchi poytaxti Dalvarzintepa manzilgohi o‘rnida 
faoliyat yuritganligini ta’kidlaydilar. Dalvarzintepa o‘rnidagi 
shahar III asrning ikkinchi yarmigacha faoliyat yuritib, inqirozga 
uchragandan so‘ng tashlandiq holga kelib qoladi. 
Kushonlar davrining yirik shahar markazlaridan biri Zartepa 
manzilgohi o‘rnida faoliyat 
yuritgan. Umumiy maydoni 17 
ga dan iborat ko‘hna shahar 
ilgaridan 
loyihalashtirilgan 
aniq reja bo‘yicha qurilgan. 
Shaharning atrofi mustahkam 
mudofaa devori bilan o‘rab 
olingan, yarim aylana burjlar 
bilan kuchaytirilgan. Ko‘hna 
shaharda uy-joylar, saroy 
majmuasi 
va 
budda 
ibodatxonasi joylashgan. 
Tojikiston 
Respublikasi 
hududida ham Baqtriyaning 
antik davriga oid bir 
nechta 
qadimgi 
shahar 
xarobalari saqlanib qolgan. 
Keykobodshoh 
manzilgohi 
qadimgi shaharlardan birining 
Zartepa manzilgohi moddiy 
topilmalari majmuasi 
o‘rni hisoblanadi. Shahar 
ellin qurilish usulida qurilib, 

---

167 
mustahkam mudofaa devori bilan o‘rab olingan. Shaharga Yunon- 
Baqtriya podsholigi davrida asos solingan. 
Kushon imperiyasi davrida mamlakatning harbiy va iqtisodiy 
qudrati kuchaygan davrida shaharlar rivojlanib, ularning soni yanada 
ko‘payadi. Bu davrda Baqtriya hududida yigirmadan ortiq katta- 
kichik shahar markazlari faoliyat yuritgan. Shaharlarning rivojlanishi 
mamlakatda hukm surgan siyosiy barqarorlik va Buyuk Ipak yo‘lida 
savdo va madaniy aloqalarning rivojlanishi muhim o‘rin tutgan. 
Denov tumani hududida joylashgan Xolchayon yodgorligidan 
kushon davri hukmdorlarining qarorgohi ochilgan. Saroy sharq qaratib 
qurilgan bo‘lib, old ayvon orqali ichki xonalarga kirilgan. Saroyning 
asosiy zali va xonalarining devoriga har xil rang bo‘yoqlar bilan turli 
mazmunli suratlar chizilgan. Ayrim xonalari ganch suvoq qilingan. 
Mirzaqultepa (Termiz), Oqqo‘g‘on (Sherobod) va Sho‘rtepa (Angor) 
yodgorliklari Kushon davri deqonchilik qishloqlari manzarasini tiklashda 
muhim o‘rin tutadi. Qishloqlarda o‘rin olgan uy-joy imoratlari ma’lum reja 
bo‘yicha tartib bilan qurilgan. Uy-joylar aholining jamiyatda tutgan o‘rni 
va iqtisodiy holati ko‘ra barpo etilgan. 
Baqtriyaning antik davri yodgorliklari orasida diniy inshootlar 
muhim o‘rin egallaydi. Bu yerda otashparastlik, buddaviylik 
ibodatxonalaridan tashqari mahalliy ma’budlar sharafiga barpo 
etilgan ibodatxonalar ham mavjud. 
Termizdan g‘arbda Qoratepa ibodatxonasi joylashgan. Ibodat- 
xona buddizm vatani qurilish an’anasiga ko‘ra mahalliy qurilish 
usulida barpo qilingan. Ibodatxonani vatanidagi kabi g‘orsifat shaklini 
aks ettirish maqsadida yer osti qismi barpo qilingan. To‘rtburchak 
hovlida joylashgan ayrim xonalarning pastida yerto‘lar mavjud. Unda 
ibodat, yashash va xo‘jalik qismlari ajralib turadi. 

---

168 
Xolchayon. 1. Saroyning tiklangan holati. 2. Devoriy suratlar 
Ibodatxonaning ichki qismi devorlarini budda, bodxisatva 
haykallari va buddaviylik diniy mafkurasi mavzusida chizilgan 
rang-tasvirlar, budda hayotidan lavhalar bezab turgan. Ibodatxona 
hovlisida budda haykali va stupa o‘rin olgan. Asosi to‘g‘ri 
to‘rtburchak shakldagi stupa bir necha metr balandga ko‘tarilgan. 
Ustiga silindrsimon inshoot solinib, uning tepasiga gumbaz 
shaklida tug‘ o‘rnatilgan va toshdan soyabon biriktirilgan. Antik 
davrining 
boshqa bir buddaviylik ibodatxonasi Qoratepaning 
shimoli-sharqiy qismida joylashgan Fayoztepa 

---

169 
yodgorligida aniqlangan. Fayoztepa buddizm dinining vixara turidagi 
ibodatxonasi bo‘lib, u diniy marosimlar o‘tkazish joyi, monastr va 
xo‘jalik qismlaridan tashkil topgan. 
Baqtriya aholisi orasida asosan zardushtiylik diniga e’tiqod qilish 
odati ustun bo‘lgan. Zardushtiylik dini doirasida mitra (quyosh 
ma’budi), max (oy ma’budi), vado (shamol ma’budi), atsho (olov 
ma’budi), ardoxsho (hosildorlik ma’budi), nana va vaxsh ma’budlariga 
sig‘inish odatlari ham mavjud bo‘lgan. 
Selevkiylar va Yunon-Baqtriya podsholigi davrida hukmron doira 
vakillari orasida ellin ma’budlariga sig‘inish odati hukmron bo‘lgan. 
Kushonlar davrida buddizm dini kuchaya boshlaydi. Ayniqsa, 
Kanishka hukmronligi davrida buddizm davlat dini sifatida qabul 
qilgandan keyin mamlakat hududida uning mavqeyi kuchaygan. 
Baqtriyaga buddaviylik dini mil. avv. I asrda, ehtimol milodning 
boshida kirib kelgan. Keyinchalik O‘rta Osiyoning ayrim yerlariga 
va Sharqiy Turkistonga tarqaladi. Shimoliy Baqtriyadagi Qoratepa 
ibodatxonasi, Fayoztepa monostiri, Zurmala va Ayritom stupalari, 
Dalvarzintepa va Zartepa ko‘hna shaharlarida joylashgan ibodatxona 
buddizmning muhim diniy inshootlaridir. 
Taxti Sangin yodgorligidan mahalliy Oxsho ma’budiga bag‘ishlab 
barpo etilgan ibodatxonaning o‘rni ochilgan. Termiz yaqinidagi. 
Kushon imperiyasi hukmdori Kanishka mamlakatda buddaviylikni 
davlat dini sifatida qabul qiladi. Lekin hukmdor imperiya tarkibidagi 
xalqlarning mahalliy diniy e’tiqodiga cheklov joriy qilmagan. 
Baqtriyaning antik davri aholisi turli xil dinlarga e’tiqod qilib, diniy 
e’tiqod erkinligi tamoyilga amal qilgan. 
Qadimgi Baqtriya aholisi sug‘orma dehqonchilik, chorvachilik 
va bog‘dorchilik bilan shug‘ullangan. Tog‘ va tog‘ oldi hududida 
chorvachilik va lalmi dehqonchiligi rivojlangan. Hunarmandchilikda 
kulolchilik, metalga, toshga ishlov berish, zargarlik, duradgorlik, 
ko‘nchilik, to‘qimachilik, gilamdo‘zlik kabi turlari faoliyat yuritgan. 
Qadimgi Baqtriya podsholigi tashkil topgandan boshlab tanga 
pullar zarb boshlangan. Dastlabki tangalar kumushdan so‘qilgan. 
Kushon hukmdorlari davrida tanga pullar misdan tashqari oltindan 

---

170 
so‘qila boshlanadi. Kanishka davrida pul islohati o‘tkaziladi. Bu 
davrda tanga pullarning to‘rt xil o‘lchami mavjud bo‘lgan. 
Baqtriya. Haykaltaroshlik namunalari 
Sopol buyumlari tez aylantiriladigan charxda yasalgan. Antik 
davrining dastlabki bosqichida ahamoniylar davridagi kulolchilik 
an’analari davom etadi. Ellin davrida kulolchilik ishlab chiqarish 
texnologiyasi keskin o‘zgarib, yanada takomillashadi. Ellin davri kulolchilgi 
sopollari yaxshi tindirilgan loydan yasalgan. Sopol buyumlariga obdon 
ishlov berilib, sirtiga oq va sariq rangli angob surtilgan. 
Baqtriyaning antik davri tasviriy san’ati o‘zining xilma-xilligi va 
mazmunan boyligi bilan ajralib turadi. San’atning haykaltaroshlik, 
rang-tasvir, zargarlik turlari rivojlangan. Kichik haykalchalar Yunon- 
Baqtriya davrida uchramaydi. Antik davrining ilk bosqichida ayol 
haykalchalari, keyinchalik ma’budalar aks ettirilgan haykalchalar 
tarqaladi. Ayol tasvirlangan haykalchalarda mahalliy aholining diniy 
e’tiqod tushunchasi bilan bog‘liq qarashlar aks etgan. 

---

171 
Kushon davrida erkaklar, otliq va ot tasvirlangan haykalchalar 
yasalgan. Ular o‘zida zodagonlar, ko‘chmanchilar hayoti va ularning diniy 
va dunyoviy qarashlari hamda buddaviylik diniy mafkurasi aks ettirgan. 
Rang-tasvir san’ati namunalari Dalvarzintepa, Xolchayon va 
Qoratepa manzilgohlaridagi uy-joy, saroy va ibodatxona devorlariga 
chizilgan suratlarda o‘z aksini topgan. Dalvarzintepa uylarining devoriga 
naqshlar chizilgan. Xolchayonning devorlardan birida shoh va uning oila 
a’zolari hamda saroy ahilining tasviri chizilgan. Bundan tashqari kamon 
bilan qurollangan bir necha otliq va Afina, Gerakl va Nika kabi yunon 
xudolarining ko‘chmanchilarga xos shaklda berilgan tasviri ham mavjud. 
Baqtriyaning antik davri zargarlik namunalari “Amudaryo 
xazinasi”, Dalvarzintepadan topilgan xazina, Bishkent vohasi qabrlari, 
Janubiy Afg‘onistonning Tillatepa yodgorligi qabrlaridan topilgan 
turli zeb-ziynat buyumlarida o‘z aksini topgan. Ushbu topilmalarda 
mahalliy, ellin va hind madaniyatlarining uyg‘unligi namoyon bo‘ladi. 
Baqtriyada ahamoniylar davridan oromiy yozuvidan, antik 
davrida baqtr-yunon, braxmi, kxaroshti yozuvidan foydalanilgan. 
Mahalliy til baqtr tili hisoblanib, diniy markazlarda hind tilining 
mavqeyi ustun bo‘lgan. 
Baqtriya antik davrining yirik madaniy markazlaridan biri bo‘lib, 
o‘lkaga turli xalqlarning kirib kelishi natijasida o‘ziga xos madaniyat 
shakllanadi. Baqtriyada mahalliy, ellin, budda va ko‘chmanchilar 
madaniyati an’analari uyg‘unligida o‘ziga xos antik davri madaniyati 
vujudga kelgan.